சர்வதேச சந்தையில் கச்சா எண்ணெயின் விலை நிலவரத்தை பொருத்து தான் இந்தியாவில் பெட்ரோல் மற்றும் டீசல் விலையை நிர்ணயிக்கிறார்கள். அதேபோல எண்ணெய் நிறுவனங்கள் நாள்தோறும் அதன் நிலையை மாற்றி அமைத்துக் கொள்வதற்கு மத்திய அரசின் சார்பில் அனுமதி வழங்கப்பட்டிருக்கிறது. அந்த விதத்தில், எண்ணெய் நிறுவனங்கள் நாள்தோறும் பெட்ரோல் மற்றும் டீசல் விலையை நிர்ணயம் செய்து வருகின்றன.
அதேபோல பெட்ரோல் மற்றும் டீசல் விலையை மட்டும் மத்திய அரசின் ஜிஎஸ்டி வரி விதிப்பு வரம்புக்குள் கொண்டுவருவதற்கு மாநில அரசுகள் தயக்கம் காட்டி வருகின்றன. அப்படி பெட்ரோல் மற்றும் டீசல் விலை ஜிஎஸ்டி வரி வரம்புக்குள் கொண்டுவரப்பட்டால் பெட்ரோல் விலை வெகுவாக குறையலாம். ஆனாலும் மாநில அரசுகளின் கேடுபிடியால் மத்திய அரசு இந்த விஷயத்தில் எதுவும் செய்ய முடியாத சூழ்நிலை இருக்கிறது.
இத்தகைய சூழ்நிலையில், மார்ச் மாதம் 26 ஆம் தேதியான இன்று ஒரு லிட்டர் பெட்ரோல் விலை நேற்றைய விலையில் இருந்து எந்த வித மாற்றமும் இல்லாமல் 102.63 ரூபாய்க்கும், டீசல் 94.24 ரூபாய்க்கும் விற்பனை செய்யப்பட்டு வருகிறது. குறிப்பாக பெட்ரோல் மற்றும் டீசல் விலை கடந்த 309 நாட்களாக மாற்றமும் இல்லாமல் ஒரே விலையில் நீடித்து வருவதால் வாகன ஓட்டுகள் சற்று நிம்மதி அடைந்திருக்கிறார்கள் என்பது குறிப்பிடத்தக்கது.
