மின்சார உற்பத்தி நிறுவனங்களுக்கு பல்வேறு மாநிலங்களுக்கு 1 லட்சம் கோடி ரூபாய்க்கு மேல் நிலுவைத் தொகை உள்ளது என பிரதமர் மோடி தெரிவித்துள்ளார்.
ஒளிமிகு இந்தியா ஒளிமயமான எதிர்காலம் – மின்சாரம் @2047′ திட்டத்தின் நிறைவு விழாவில் பேசிய பிரதமர் மோடி; நாட்டில் மின் நுகர்வு மற்றும் கட்டணங்களைக் குறைப்பதிலும் உஜாலா திட்டம் பெரும் பங்காற்றியுள்ளது. ஏழை மற்றும் நடுத்தர குடும்பங்களின் மின்கட்டணத்தில் ஆண்டுக்கு ரூ.50 ஆயிரம் கோடி சேமிக்கப்படுகிறது. காலப்போக்கில், நமது அரசியலில் கடுமையான சீர்குலைவு ஏற்பட்டுள்ளது. அரசியலில், மக்களுக்கு தைரியம் வேண்டும், உண்மையைச் சொல்ல வேண்டும், ஆனால் சில மாநிலங்கள் அதைத் தவிர்க்க முயற்சிப்பதைப் பார்க்கிறோம். இந்த உத்தி குறுகிய காலத்தில் நல்ல அரசியலாகத் தோன்றலாம். ஆனால், இன்றைய உண்மையை, இன்றைய சவால்களை, நாளை, நம் குழந்தைகளுக்காக, நம் வருங்கால சந்ததிக்காக தள்ளிப்போடுவது போன்றது. இந்தச் சிந்தனை செயல்முறை பல மாநிலங்களில் மின்துறையை பெரும் பிரச்சனைகளுக்குள் தள்ளியுள்ளது.
நமது மின் விநியோகத் துறையில் இழப்பு இரட்டை இலக்கத்தில் உள்ளது என்றார் பிரதமர். அதேசமயம் உலகின் வளர்ந்த நாடுகளில் இது ஒற்றை இலக்கத்தில் உள்ளது. பல மாநிலங்களில் விநியோகம் மற்றும் பரிமாற்ற இழப்புகளை குறைப்பதில் முதலீடு பற்றாக்குறை உள்ளது. பல்வேறு மாநிலங்களுக்கு 1 லட்சம் கோடி ரூபாய்க்கு மேல் நிலுவைத் தொகை உள்ளது. இந்தப் பணத்தை மின் உற்பத்தி நிறுவனங்களுக்கு வழங்க வேண்டும். பல அரசுத் துறைகள், மற்றும் உள்ளாட்சி அமைப்புகளிடம் இருந்து மின் பகிர்மான நிறுவனங்கள் ரூ.60 ஆயிரம் கோடிக்கு மேல் பாக்கி வைத்துள்ளன.
இந்த நிலுவைத் தொகையும் ரூ.75,000 கோடிக்கு மேல் உள்ளது. மின் உற்பத்தியில் இருந்து வீடு வீடாக விநியோகம் செய்வது வரையிலான நடவடிக்கைகளுக்கு பொறுப்பானவர்களின் சுமார் இரண்டரை லட்சம் கோடி ரூபாய் சிக்கியுள்ளது. நிலுவையில் உள்ள மாநிலங்கள், அவற்றை விரைவில் தீர்க்குமாறு பிரதமர் கேட்டுக் கொண்டார். மேலும் தேசிய சூரியசக்தி தளத்தையும் பிரதமர் தொடங்கி வைத்தார், இது விண்ணப்பங்களை பதிவு செய்வதிலிருந்து தொடங்கி, ஆலையை நிறுவி ஆய்வு செய்த பிறகு குடியிருப்பு நுகர்வோரின் வங்கிக் கணக்குகளில் மானியங்களை விடுவிப்பது வரை மேற்கூரை சூரியசக்தி ஆலைகளை நிறுவும் செயல்முறையை ஆன்லைனில் கண்காணிக்கும்.
