மேற்கு தொடர்ச்சி மலையின் பள்ளத்தாக்கில் அமைந்துள்ள தேனி மாவட்டத்தைச் சேர்ந்த கம்பம் நகரம் இயற்கை அழகு மற்றும் இனிமையான தண்ணீருக்கு மட்டுமே பிரபலமானதாக இருந்தது. தற்போது ஆபாச படங்களுக்கு பெயர் போன Porn Hub இணையதளத்தால் உலகெங்கிலும் பிரபலமடைந்து இருக்கிறது.
வயது வந்தோருக்கான பொழுதுபோக்கு இணையதளமான ‘Porn Hub’ மோசமான பெயர்களைக் கொண்ட இடங்களில் வசிக்கும் மக்களுக்கு உதவ முன்வந்துள்ளது. அவர்கள் ஒரு வீடியோவை வெளியிட்டு, உலகெங்கிலும் உள்ள சில நகரங்களை “அதிகாரப்பூர்வ பிரீமியம் இடங்களாக” தேர்ந்தெடுத்துள்ளதாக அறிவித்துள்ளனர்.
அவர்களின் முக்கிய நோக்கம் பல ஆண்டுகளாக பாலுறவுப் பெயர்களைக் கொண்டதால் அவமானங்களுக்கு ஆளான நகரங்களுக்கு உதவுவதாகும். மேலும் இந்திய நகரங்களில் ஒன்றான தமிழ்நாட்டின் கம்பம் பள்ளத்தாக்கும் பட்டியலில் சேர்க்கப்பட்டுள்ளது. இனி கம்பம் பகுதியில் உள்ளவர்கள் போர்ன் ஹப் இணையதளத்தின் பிரீமியம் சப்ஸ்கிரிப்ஷனை இலவசமாக பயன்படுத்திக் கொள்ள அனுமதி வழங்கி இருக்கிறது.
மேலும் நெதர்லாந்து நாட்டில் உள்ள ரெக்டம் நகரம் மற்றும் ஜார்ஜியா நாட்டிலுள்ள கம்மிங் நகரம் ஆகியவையும் இலவச சப்ஸ்கிரிப்ஷனை பெற்றுள்ளது. இது போன்ற நகரங்களுக்கு இலவச பிரீமியம் வழங்குவது குறித்து பேசிய போர்ன் ஹப் நிறுவனத்தின் துணை அதிபர் கோரி பிரைஸ் ” ஆன்லைன் அடல்ட் பொழுதுபோக்கு வெப்சைட்டுகளின் பெருக்கத்தால் வட்டார மொழி மற்றும் பாலியல் பழமொழிகளை பலரும் அறிந்துள்ளனர்.
இதனால் பாலுணர்வை தூண்டுவது போன்ற பெயர்களைக் கொண்ட நகரங்கள் நகைச்சுவைக்கும் கேலிக்கும் உள்ளாக்கப்படுகிறது. இதுபோன்று அந்த நகரத்தில் இருப்பவர்கள் கிளிக்கு உள்ளாக்கப்படுவதை தவிர்க்கவும் அவர்கள் தங்கள் பாரம்பரியத்தை பற்றி பெருமைப்படுவதற்கும் போர்ன் ஹப் இணையதளம் ஒரு வாய்ப்பை வழங்கியிருக்கிறது
இந்த நகரங்களை பார்த்து மற்றவர்களும் பொறாமைப்படும் அளவிற்கு அவர்களுக்கு போர்ன் ஹப் இணையதளத்தின் பிரீமியம் சப்ஸகிரிப்ஷனை அதிகாரப்பூர்வமாக இலவசமாக வழங்குகிறோம் என தெரிவித்துள்ளார். கம்பம்(Cumbum) என்ற பெயர் ஆங்கிலத்தில் பாலியல் உணர்வுகளை பிரதிபலிப்பதால் அந்த நகருக்கு இலவச சப்ஸ்கிரிப்ஷனை போர்ன் ஹப் நிறுவனம் வழங்கியிருக்கிறது. 2018 ஆம் வருடம் நடைபெற்ற இந்த நிகழ்வு தற்போது வரை வியப்பான ஒன்றாக பார்க்கப்படுகிறது.
