லண்டனில் நாளை மறுநாள் நடைபெற உள்ள இறுதிச்சடங்கு நிகழ்ச்சியில் பங்கேற்க குடியரசுத் தலைவர் திரவுபதி முர்மு லண்டன் புறப்பட்டார்.
ராணி 2ம் எலிசபெத் (96) கடந்த செப்டம்பர் மாதம் 8ம் தேதி காலமானார். பால்மொரல் கோட்டையில் இருந்து அவரது உடல் எடுத்துவரப்பட்டு லண்டனில் உள்ள வெஸ்ட் மின்ஸ்டர் அரங்கில் சவப்பெட்டியில் வைத்து பொதுமக்கள் அஞ்சலிக்காக வைக்கப்பட்டுள்ளது.
நாளை மறுநாள் நடைபெற உள்ள இறுதிச்சடங்கில் உல நாடுகளிலிருருந்து 500க்கும் மேற்பட்ட முக்கிய பிரதிநிதிகள் பங்கேற்க உள்ளனர். இந்தியாவின் சார்பில் குடியரசுத் தலைவர் திரவுபதி முர்மு இறுதிச்சடங்கில் பங்கேற்கின்றார். இதற்காக இன்று அவர் லண்டன் புறப்பட்டார்.
ராணியின் மறைவை ஒட்டி இந்தியாவில் ஒரு நாள் துக்கம் அனுசரிக்கப்பட்டது. வெளியுறவுத்துறை அமைச்சர் ஜெய்சங்கர் கடந்த 12ம் தேதி இங்கிலாந்தின் உயரதிகாரிகளை சந்தித்து ஆறுதல் தெரிவித்தார். 3 நாள் பயணமாக லண்டன் சென்றுள்ள முர்மு 19ம் தேதி இறுதிச்சடங்கில் தனது அஞ்சலியை பதிவு செய்வார்.
