Pro Kabaddi League: புரோ கபடி லீக் தொடரின் நேற்றைய ஆட்டத்தில் யு மும்பா அணியை வீழ்த்தி தெலுங்கு டைட்டன்ஸ் அணி வெற்றிபெற்றது, தபாங் டெல்லி மற்றும் குஜராத் ஜெயண்ட்ஸ் இடையேயான ஆட்டம் டிராவில் முடிந்தன.
11-வது புரோ கபடி லீக் போட்டி ஹைதராபாத்தில் கடந்த 18ம் தேதி தொடங்கியது. இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதனையடுத்து தொடரின் 2வது கட்ட லீக் ஆட்டங்கள் நொய்டாவில் நடைபெற்று வருகின்றன. இந்நிலையில், இந்த தொடரில் நேற்று 2 லீக் போட்டிகள் நடைபெற்றன. அதில் இரவு 8 மணிக்கு தொடங்கிய போட்டியில் தபாங் டெல்லி மற்றும் குஜராத் ஜெயண்ட்ஸ் அணிகள் மோதின. இந்த, 39-39 என்ற புள்ளிகள் கணக்கில் டிராவில் முடிந்தது.
இதனை தொடர்ந்து இரவு 9 மணிக்கு தொடங்கிய போட்டியில் தெலுங்கு டைட்டன்ஸ் – யு மும்பா அணிகள் மோதின. விறுவிறுப்பாக நடைபெற்ற இந்த ஆட்டத்தில் 31-29 என்ற புள்ளிகள் கணக்கில் தெலுங்கு டைட்டன்ஸ் அணி வெற்றிப்பெற்றது. 12 ஆட்டங்களில் ஆடியுள்ள யு மும்பா அணி, 7 வெற்றி, 4 தோல்வி, 1 டிராவுடன் புள்ளிப்பட்டியலில் 2வது இடத்திலும், தெலுங்கு டைட்டன்ஸ் அணி 5வது இடத்திலும் உள்ளன.
Readmore: ஆசிய சாம்பியன்ஸ் ஹாக்கி!. கோப்பையை தட்டித்தூக்கிய இந்திய மகளிர் படை!. சீனாவை வீழ்த்தி அபாரம்!
