11-வது புரோ கபடி லீக் தொடர் கடந்த அக்டோபர் மாதம் 18ஆம் தேதி ஹைதராபாத்தில் நடைபெற்ற நிலையில், போட்டி விறுவிறுப்பாக சென்று கொண்டிருக்கிறது. இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதையடுத்து, தொடரின் இரண்டாவது கட்ட லீக் ஆட்டங்கள் இம்மாதம் 10ஆம் தேதி நொய்டாவில் தொடங்கிய நிலையில், டிசம்பர் 1ஆம் தேதி வரை நடைபெறுகிறது. இதையடுத்து, மகாராஷ்டிர மாநிலம் புனேவில் டிசம்பர் 3ஆம் தேதி முதல் 24ஆம் தேதி வரை போட்டிகள் நடைபெறவுள்ளன.
இந்த போட்டியில் நடப்பு சாம்பியன் புனேரி பால்டன், முன்னாள் சாம்பியன்கள் யு மும்பா, பெங்களூரு புல்ஸ், தமிழ் தலைவாஸ், பெங்கால் வாரியர்ஸ், தபாங் டெல்லி மற்றும் தெலுங்கு டைட்டன்ஸ், குஜராத் ஜெயன்ட்ஸ், அரியானா ஸ்டீலர்ஸ், உ.பி.யோத்தாஸ் ஆகிய 12 அணிகள் தலா இரண்டு முறை மோதும். லீக் சுற்று முடிவில் முதல் 6 இடங்களை பிடிக்கும் அணிகள் பிளே-ஆப் சுற்றுக்கு தகுதி பெறும்
இந்நிலையில், இந்த தொடரில் இன்று 2 லீக் ஆட்டங்கள் நடைபெறவுள்ளது. இன்று இரவு 8 மணிக்கு தொடங்கும் முதல் ஆட்டத்தில் குஜராத் ஜெயன்ட்ஸ் – பெங்கால் வாரியர்ஸ் அணிகள் மோதவுள்ளது. இரவு 9 மணிக்கு தொடங்கும் இரண்டாவது ஆட்டத்தில் புனேரி பால்டன் – அரியானா ஸ்டீலர்ஸ் அணிகள் மோதவுள்ளன.
