போதைப்பொருட்களின் மையமாக குஜராத் மாநிலம் திகழ்வதாக ராகுல்காந்தி கடுமையாக சாடி உள்ளார்.
குஜராத் வந்த ராகுல்காந்தி அங்குள்ள சபர்மதி ஆசிரமத்தில் வணங்கிவிட்டு பின்னர் காங்கிரஸ் கட்சியினரிடம் உரை நிகழ்த்தினர். அப்போது அவர் கூறுகையில் ’’ குஜராத் மாநிலம் போதைப் பொருட்களின் மையமாக விளங்குகின்றது. முந்த்ராபோர்ட்டில் இருந்துதான் அனைத்து போதைப் பொருட்கள் புழக்கமும் நடந்து வருகின்றது. ஆனால் குஜராத் அரசோ எந்த வித நடிவடிக்கையும் எடுக்கவில்லை. இதுதான் குஜராத் மாடல் …. நீங்கள் போராடுவதற்கு , முன்னதாகவே அனுமதி வாங்கும் ஒரு மாநிலம் தான் குஜராத் … யாருக்கு எதிராக போராட்டம் நடத்த வேண்டுமோ .. அவர்களிடமே அனுமதி வாங்க வேண்டும். சர்தார் வல்லபாய் படேல் விவசாயிகளின் குரலாக இருந்தார். விவசாயிகளுக்கு ஆதரவாக இருந்தார்.. அவருக்காக ஒருபுறம் மிகப் பெரிய சிலையை நிறுவிவிட்டு மறுபக்கம் யாருக்காக அவர் போராடினாரோ பா.ஜ. அரசு அவருக்கு எதிராகவே செயல்படுகின்றது. குஜராத்தில் காங்கிரஸ் கட்சி ஆட்சிக்கு வந்தால் விவசாயிகளின் கடன் ரூ.3 லட்சம் வரை தள்ளுபடி செய்யப்படும்…. என்றார்.
