ஆற்றில் குளித்துக் கொண்டிருந்தபோது நீரில் மூழ்கி சிறுமி உள்பட 3 பேர் பலியான சம்பவம் சோகத்தை ஏற்படுத்தியுள்ளது.
ராணிப்பேட்டை அருகே அரக்கோணம் கொசஸ்தலை ஆற்றில்தான் இந்த சம்பவம் நடந்துள்ளது. ரசூல் , பரிதாபானு, பவுசியா (13) ஆகியோர் ஆற்றில் தேங்கியிருந்த தண்ணீரில் குளித்துக் கொண்டிருந்தனர். அப்போது திடீரென அவர்கள் தண்ணீரில் மூழ்கினார்கள். இதையடுத்து அங்கிருந்தவர்கள் 3 பேரையும் மீட்டு முதலுதவி செய்துள்ளனர். ஆனால் அவர்கள் யாரும் மயக்கநிலையில் இருந்து மீளவில்லை. எப்படியாவது அவரது உயிரை காப்பாற்றிவிடலாம் என நினைத்து உடனடியாக அரசு மருத்துவமனைக்கு அழைத்துச் சென்றனர். அவர்களை பரிசோதித்த மருத்துவர்கள் இறந்துவிட்டதாக தெரிவித்தனர். இந்த சம்பவத்தால் அப்பகுதி மக்களே சோகத்தில் மூழ்கினர்.
