திண்டுக்கல் அருகே, இறந்தவர்களை இடுகாட்டிற்கு எடுத்துச் செல்வதற்கு கூட வழியில்லாமல், இடுப்பளவு நீரில், இறந்தவர்களின் சடலத்தை சுமந்து சென்று, அடக்கம் செய்யும் கிராம மக்களின் பரிதாப நினைவை பற்றி, ஊராட்சி மன்ற தலைவருக்கு கோரிக்கை வைத்தும், அவர் கண்டு கொள்ளாததால், அவலநிலை ஏற்பட்டுள்ளது.
திண்டுக்கல் அருகே இருக்கின்ற, முள்ளிப்பாடி கிராமம் செட்டியப்பட்டியில், சுமார் ஆயிரத்திற்கும் அதிகமான மக்கள் வாழ்ந்து வருகிறார்கள். இந்த பகுதியில், இருக்கின்ற மக்களில், யாராவது, உயிர்நீத்தால், அவர்களை, அந்த பகுதியில் உள்ள சந்தனவர்தினி ஆற்று படுகை அருகே இருக்கின்ற இடுகாட்டில் அடக்கம் செய்வது வழக்கம் என்று கூறப்படுகிறது.
ஆனால், இடுகாட்டிற்கு செல்லும் வழி சரியாக இல்லை, இடுகாட்டிற்கு செல்ல முறையான சாலை வசதி செய்து தரப்படவில்லை என்று கூறப்படுகிறது. மேலும், அந்த ஆற்றுக்கு நடுவே நீரோடை குறுக்கிடுகிறது. ஆகவே அந்த நீரோடையில், இறங்கி, இறந்தவர்களின் உடலை சுமந்து செல்ல வேண்டிய சூழ்நிலை ஏற்பட்டுள்ளது.
இந்த நிலையில் தான், சுடுகாட்டிற்கு செல்லும் சாலையை சீரமைத்து கொடுக்குமாறு தற்போது இருக்கின்ற திமுகவின் ஊராட்சி மன்ற தலைவர் மாதவி காமராஜ் மற்றும் இதற்கு முன்பாக இருந்த பல ஊராட்சி தலைவர்களிடமும், அந்தப் பகுதி மக்கள் முறையிட்டதாக தெரிகிறது. ஆனாலும். இதுவரையில், அவர்கள் யாரும், எந்த விதமான நடவடிக்கையும், மேற்கொள்ளவில்லை என்றும் சொல்லப்படுகிறது.
இந்த சூழ்நிலையில் தான், அந்தப் பகுதியைச் சேர்ந்த அழகம்மாள் என்ற மூதாட்டி நேற்று இயற்கை எய்தினார். ஆகவே, அவரை அடக்கம் செய்வதற்காக, அவருடைய சடலத்தை எடுத்துச் சென்ற அவருடைய உறவினர்கள், சந்தனவர்தினி ஆற்றுப்படுதையில், இருக்கின்ற குளத்தில், இடுப்பளவு நீரில், அழகம்மாளின் உடலை சுமந்து சென்று, அடக்கம் செய்து வந்தனர்.
மெட்ரோ, நூறடி சாலை, தேசிய நெடுஞ்சாலை பறக்கும் சாலை, இணைய வசதி என்று பலவற்றிலும் இந்தியா வேகமாக முன்னேறி வருகின்ற நிலையில், இன்றளவும், இடுகாட்டிற்கு செல்லும் வழியை கூட, சரியாக ஏற்படுத்திக் கொடுக்க ஆள் இல்லாத கிராமமும் இருக்கிறது என்பதை நினைத்தால், சற்றே வேதனையாக தான் இருக்கிறது.
