வங்கதேசத்துக்கு எதிரான டி20-யில் பங்கேற்க இந்திய வீரர்கள் பங்கேற்க உள்ளனர். வங்கதேசம் சென்றுள்ள இந்திய அணி, மூன்று ஒருநாள், இரண்டு டெஸ்ட் போட்டிகள் கொண்ட தொடரில் பங்கேற்கிறது. மிர்புரில் இன்று, ஒருநாள் போட்டி நடக்க உள்ளது. மீதமுள்ள போட்டிகள் வரும் 7 மற்றும் 10 ஆகிய இரண்டு தேதிகளில் நடைபெற இருக்கின்றன.
முதல் டெஸ்ட், சாட்டோகிராமில் 14-ம் தேதி தொடங்க உள்ளது. இரண்டாவது டெஸ்ட், 22 முதல் 26 வரை மிர்புரில் நடக்கிறது. இத்தொடருக்காக வங்கதேசம் சென்றுள்ள ரோகித் சர்மா தலைமையிலான இந்திய அணியினர், நேற்று முதற்கட்ட பயிற்சியை துவக்கினர். தலைமை பயிற்சியாளர் ராகுல் டிராவிட் முன்னிலையில் கேப்டன் ரோகித் சர்மா, விராத் கோஹ்லி, லோகேஷ் ராகுல், உள்ளிட்டோர் பேட்டிங் பயிற்சியில் ஈடுபட்டனர்.
சமீபத்தில் ஆஸ்திரேலியாவில் நடந்த ‘டி–20’ உலக கோப்பை தொடரில் பங்கேற்ற கேப்டன் ரோகித் சர்மா, விராத் கோஹ்லி, லோகேஷ் ராகுல், முகமது ஷமி உள்ளிட்ட சீனியர் வீரர்களுக்கு நியூசிலாந்து தொடரில் ஓய்வு வழங்கப்பட்டிருந்தது. தற்போது இவர்கள் மீண்டும் அணிக்கு திரும்பி உள்ளனர். இதனால் இந்த தொடரில் இந்திய அணி வீரர்கள் தங்களது அதிரடி ஆட்டத்தை வெளிப்படுத்துவார்களா என்ற எண்ணம் ரசிகர்கள் மத்தியில் எழுந்துள்ளது.
ஏற்கனவே கடந்த போட்டியில் தோல்வி அடைந்த பொழுது ஷிகர் தவான் இனி வரும் ஆட்டங்களில் இந்திய அணி சிறப்பாக விளையாடி வெற்றியை பெற்று கொடுக்கும் என கூறியிருந்தது குறிப்பிடத்தக்கது.
