பிரதமர் கிசான் யோஜனா என்பது விவசாயிகள் மற்றும் அவர்களது குடும்பங்களுக்கு வருமான ஆதரவை வழங்குவதற்கான மத்திய அரசின் திட்டமாகும். PM-Kisan திட்டத்தின் கீழ், நாடு முழுவதும் உள்ள தகுதியுள்ள அனைத்து விவசாயி குடும்பங்களுக்கும் ஆண்டுக்கு 6000 ரூபாய் பணம் அவர்களின் வங்கிக்கணக்கில் செலுத்தப்படுகிறது. தகுதியான விவசாயிகளுக்கு தலா ரூ.2,000 வீதம் மூன்று தவணைகளாக ஆண்டுக்கு ரூ.6,000 வழங்கப்படும். ஒவ்வொரு ஆண்டும் பதிவு செய்யப்பட்ட விவசாயிகளின் வங்கிக் கணக்குகளுக்கு அரசாங்கம் நேரடியாக பணத்தை செலுத்துகிறது. இருப்பினும், இன்னும் eKYC முடிக்காத விவசாயிகளுக்கு 13வது தவணைத் தொகை கிடைக்காது. பிரதமர்-கிசான் திட்டத்தின் 13வது தவணை மூலம் 11 கோடி விவசாயிகள் பயனடைவார்கள்
இந்நிலையில் பிரதம மந்திரி கிசான் சம்மன் நிதியின் (PM-KISAN) யோஜனா (திட்டம்) 13 வது தவணையை பிரதமர் நரேந்திர மோடி இந்த வாரம் வெளியிடுவார் என்று தகவல்கள் வெளியாகி உள்ளன.. PM கிசான் திட்டத்தின் 13வது தவணை பிப்ரவரி 24-ம் தேதி வெளியிடப்படும் என்று எதிர்பார்க்கப்படுகிறது. முன்னதாக, 16,000 கோடி ரூபாய் மதிப்பிலான பிரதமர் கிசான் சம்மன் நிதி திட்டத்தின் 12வது தவணையை 17 அக்டோபர் 2022 அன்று பிரதமர் வெளியிட்டார்.
PM கிசான் 13வது தவணை: புதிய பயனாளிகள் பட்டியலில் உங்கள் பெயரைச் சரிபார்ப்பதற்கான படிகள்
- படி 1: PM Kisan அதிகாரப்பூர்வ வலைத்தளத்தின் அதிகாரப்பூர்வ வலைத்தளத்தைப் பார்வையிடவும்
- படி 2: Payment Success என்பதன் கீழ், நீங்கள் இந்தியாவின் வரைபடத்தைக் காணலாம்..
- படி 3: வலது பக்கத்தில் உள்ள ‘Dashboard’ எனப்படும் மஞ்சள் நிற tab-ஐ கிளிக் செய்யவும்
- படி 4: இப்போது, ஒரு புதிய பக்கம் திறக்கும்.
- படி 5: Village Dashboard என்ற பகுதியில் உங்கள் விவரங்களை நிரப்பவும்
- படி 6: உங்கள் மாநிலம், மாவட்டம், துணை மாவட்டம் மற்றும் பஞ்சாயத்தை தேர்ந்தெடுக்கவும்
- படி 8: பின்னர் show பட்டனை கிளிக் செய்யவும்
- படி 9: இப்போது, உங்கள் விவரங்களை நீங்கள் தேர்வு செய்யலாம்.
PM கிசானின் e-KYC செயல்முறையை ஆன்லைனில் எப்படி முடிப்பது?
- PM கிசானின் அதிகாரப்பூர்வ இணையதளத்திற்குச் செல்லவும்
- முகப்பு பக்கத்தில் eKYC விருப்பத்தை கிளிக் செய்யவும்
- ஆதார் அட்டை எண், கேப்ட்சா குறியீடு மற்றும் ஆதார் அட்டையுடன் இணைக்கப்பட்ட மொபைல் எண் போன்ற தேவையான விவரங்களை உள்ளிடவும்.
- உங்கள் மொபைலில் பெற்ற OTP ஐ உள்ளிடவும்.
- வெற்றிகரமான சரிபார்ப்புக்குப் பிறகு, eKYC முடிக்கப்படும்.
PM கிசானின் e-KYC செயல்முறையை ஆஃப்லைனில் எப்படி முடிப்பது?
PM Kisan eKYC செயல்முறையை அருகில் உள்ள பொது சேவை மையத்திற்கு (CSC) சென்று ஆஃப்லைனிலும் செய்யலாம்.
