இந்திய சினிமாவில் மிகவும் பிரபலமான நடிகைகளில் ஒருவரான நயன்தாரா, தனது திறமை, விடாமுயற்சி மற்றும் பன்முகத்தன்மை ஆகியவற்றால் தனக்கென திரையுலகில் குறிப்பிடத்தக்க இடத்தைப் பிடித்துள்ளார். கிட்டத்தட்ட 20 ஆண்டு கால வாழ்க்கையில், அவர் தமிழ், தெலுங்கு மற்றும் மலையாள படங்களில் பல ஹிட் படங்களை அவர் கொடுத்துள்ளார்.
தனக்கென ஏராளமான ரசிகர்களைப் பெற்றுள்ளார். ஒரு தொலைக்காட்சி தொகுப்பாளராக இருந்து தென்னிந்திய சினிமாவின் மறுக்கமுடியாத ” லேடி சூப்பர் ஸ்டார்” ஆக வலம் வரும் நயன்தாரா தமிழ், தெலுங்கு, மலையாளம் உள்ளிட்ட மொழிகளில் 75-க்கும் மேற்பட்ட படங்களில் நடித்துள்ளார்.
நயன்தாரா 2003 ஆம் ஆண்டு ‘மனசினக்கரே’ என்ற மலையாள படத்தின் மூலம் நடிகையாக அறிமுகமானார். 2005-ம் ஆண்டு தமிழில் ஐயா படத்தின் மூலம் தமிழ் சினிமாவில் எண்ட்ரி கொடுத்தார்.
சினிமாவில் படிப்படியாக உயர்ந்த நயன்தாரா ‘சந்திரமுகி’, ‘கஜினி’ வல்லவன் என பல ஹிட் படங்களில் நடித்த அவர் இடை இடையே சில தோல்விகளையும் சந்தித்தார்.
பின்னர் மீண்டும் கம்பேக் கொடுத்த அவர் அறம், இமைக்கா நொடிகள், என பெண்களை மையமாக கொண்ட படங்களில் நடித்திருந்தார். தமிழ் மட்டுமின்றி தெலுங்கு, மலையாளம் ஆகிய மொழிகளிலும் பல ஹிட் படங்களில் நடித்துள்ளார். இதன் மூலம் தென்னிந்திய சினிமாவின் முன்னணி நடிகைகளில் ஒருவராக அவர் மாறினார். ரஜினி, விஜய், அஜித், சூர்யா, சிம்பு, தனுஷ், ஜெயம் ரவி, சிவகார்த்திகேயன் என தமிழ் சினிமாவின் முன்னணி நடிகர்களுடனும் அவர் ஜோடி சேர்ந்துள்ளார்.
தனது கவர்ச்சிகரமான நடிப்பு மற்றும் வலுவான திரை இருப்பு அவரை தொழில்துறையில் மிகவும் நம்பகமான நடிகைகளில் ஒருவராக நயன்தாரா இருக்கிறார். 2023 ஆம் ஆண்டில், ஷாருக்கானுடன் இணைந்து ‘ஜவான்’ படத்தின் மூலம் அவர் பாலிவுட்டில் அறிமுகமானார்.
இந்த படம் மிகப்பெரிய வெற்றியைப் பெற்றது, உலகளவில் ரூ. 1000 கோடிக்கு மேல் வசூலித்தது. இதன் மூலம் அவர் பான் – இந்தியா ஸ்டார் என்ற நிலையை பெற்றார்.
நயன்தாராவின் மகத்தான புகழ் அவரது விளம்பரங்கள், சம்பளத்திலும் பிரதிபலிக்கிறது. வெறும் 50 வினாடி விளம்பரத்திற்காக அவர் ரூ. 5 கோடி வசூலித்ததாக தகவல்கள் தெரிவிக்கின்றன, இது அவரை இந்தியாவில் அதிக சம்பளம் வாங்கும் நடிகைகளில் ஒருவராக ஆக்கியுள்ளது. கிட்டத்தட்ட 20 ஆண்டுகளாக தொழில்துறையில் இருக்கும் அவர் மிகப்பெரிய புகழைப் பெற்றது மட்டுமல்லாமல் குறிப்பிடத்தக்க நிதி வெற்றியையும் குவித்துள்ளார்.
நயன்தாரா ஒரு படத்திற்கு சுமார் ரூ. 10 கோடி வசூலிக்கிறார் என்றும், அவரின் சொத்து மதிப்பு தோராயமாக ரூ. 200 கோடி என்றும் கூறப்படுகிறது. அவரது ஆடம்பரமான வாழ்க்கை முறையில் ரூ. 50 கோடி மதிப்புள்ள தனியார் ஜெட் விமானமும் அடங்கும், அதை அவர் அடிக்கடி தனது பயணங்களுக்கு பயன்படுத்துகிறார்.
நயன்தாரா கைவசம் தற்போது பல படங்கள் உள்ளன. அவரது வரவிருக்கும் படங்களில் ‘தி டெஸ்ட்,’ ‘மன்னங்காட்டி சின்ஸ் 1960,’ ‘டாக்ஸிக்,’ ‘கிஸ்,’ மற்றும் ‘ராக்காயி’ ஆகியவை அடங்கும். இந்த படங்களுக்கு அவரின் ரசிகர்கள் ஆர்வமுடன் காத்திருக்கின்றனர்.
திரை வாழ்க்கையை பொறுத்த வரை நயன்தாரா வெற்றிகரமான நடிகையாக வலம் வந்தாலும் அவரின் தனிப்பட்ட வாழ்க்கை சர்ச்சைகள் நிறைந்ததாகவே உள்ளது. சிம்பு, பிரபு தேவா, காதல் பிரேக் அப் ஆன பிறகு நயன்தாரா இயக்குனர் விக்னேஷ் சிவனை காதலித்து திருமணம் செய்து கொண்டார். இந்த ஜோடி, வாடகை தாய் மூலம் உயிர், உலக் என்ற இரட்டை ஆண் குழந்தைகளை பெற்று கொண்டனர் என்பது குறிப்பிடத்தக்கது.
Read More : தமிழ் சினிமாவில் இது தான் மிகப்பெரிய பிரச்சனை.. இயக்குனர்கள் இதை செய்யமாட்டாங்க.. ஜோதிகா ஓபன் டாக்..
