தமிழ் சினிமா மட்டுமின்றி தென்னிந்திய சினிமாவில் முன்னணி நடிகைகளில் ஒருவராக நயன்தாரா வலம் வருகிறார். 20 ஆண்டுகளுக்கும் மேலாக ஹீரோயினாக நடித்து வரும் அவர் ‘லேடி சூப்பர் ஸ்டார்’ என்ற பட்டத்தைப் பெற்றுள்ளார். தமிழ் சினிமாவின் அதிக சம்பளம் வாங்கும் ஹீரோயினாகவும் அவர் வலம் வருகிறார். திரை வாழ்க்கையை பொறுத்த வரை நயன்தாரா ஒரு வெற்றிகரமான நடிகையாக வலம் வந்தாலும், அவரின் தனிப்பட்ட வாழ்க்கை சர்ச்சைகள் நிறைந்ததாகவே உள்ளன.
முதலில் நடிகர் சிம்புவும் நயன்தாராவும் காதலித்து வந்த நிலையில் பின்னர் இருவரும் பிரேக் அப் செய்து பிரிந்துவிட்டனர். இதை தொடர்ந்து நயன்தாரா மற்றும் நடன இயக்குனர் பிரபுதேவாவின் காதல் சர்ச்சைகளுக்கு வழிவகுத்தது.. 2009 ஆம் ஆண்டுதான் நயன்தாரா – பிரபு தேவாவின் காதல் உறவு பற்றிய காதல் கிசுகிசுக்கள் வெளியானது.
எனினும் இந்த கிசுகிசுக்கள் ஆரம்பத்தில் பெரிதாக எடுத்துக்கொள்ளப்படவில்லை. ஏனெனில் பிரபுதேவாவுக்கு ஏற்கனவே திருமணமாகி இருந்தது.
எனினும் 2010-ம் ஆண்டு செப்டம்பர் மாதம் நயன்தாராவை இரண்டு வருடங்கள் காதலித்ததாக பிரபுதேவா ஒப்புக்கொண்டார். பிரபல ஆங்கில ஊடகத்திற்கு பேட்டியளித்த அவர் இருவரும் திருமணம் செய்து கொள்ள முடிவு செய்திருந்ததாகவும் கூறினார்.
அப்போது பேசிய அவர் “நயன்தாராவைப் பொறுத்தவரை, அவர் ரொம்ப ஸ்பெஷல். ஆம், நான் நயன்தாராவை காதலிக்கிறேன், விரைவில் நாங்கள் திருமணம் செய்து கொள்வோம். இது ஒரு தனிப்பட்ட முடிவு, அதைப் பற்றி ஊடகங்களுக்குப் பேச எனக்குப் பிடிக்கவில்லை” என்று அவர் கூறியிருந்தார்.
ஆனால் துரதிர்ஷ்டவசமாக, அதன்பின்னர், பிரபுதேவா மோசமான காலம் தொடங்கியது. அவர் தனது மனைவி லதாவை விவாகரத்துக்காக அணுகியதாகக் கூறப்படுகிறது.
இருப்பினும், அவரின் மனைவி லதாவோ விவாகரத்து கோரிய தனது கணவர் மீது வழக்குத் தொடர்ந்தார். அப்போது ஊடகங்களிடம் பேசிய லதா “ என் கணவரை என்னிடமிருந்து திருடிய நயன்தாராவை கைது செய்யுமாறு நான் காவல்துறை மற்றும் நீதித்துறை அமைப்பைக் கோரியுள்ளேன். நயன்தாராவை நான் எங்கேனும் பார்த்தால், நான் அவளை அந்த இடத்திலேயே உதைத்துவிடுவேன். ஒரு மோசமான பெண்ணுக்கு சிறந்த உதாரணம் நயன்தாரா தான்.” என்று தெரிவித்தார்.
இதனிடையே நயன்தாரா பெயரும் மோசமாக தொடங்கியது, அவர் கடுமையான விமர்சனங்களை எதிர்கொண்டார். ஒருவழியாக, 2010 இல், பிரபுதேவா – லதா தம்பதிக்கு விவாகரத்து கிடைத்தது. இது அவர்களின் 16 வருட திருமணத்தை முடிவுக்குக் கொண்டு வந்தது.
லதாவிடமிருந்து விவாகரத்து பெற்ற பிறகு பிரபுதேவா நயன்தாராவுடன் மீண்டும் ஒரு நேரடி உறவில் சேர்ந்தாலும், அவர்களுக்கு இடையே விரிசல்களும் ஏற்படத் தொடங்கின.
நயன்தாராவை திருமணம் செய்வதை பிரபுதேவா தள்ளிப்போட்டு கொண்டே வந்ததாக அப்போது ஊடகங்களில் தகவல் வெளியானது.. ஒருக்கட்டத்தில் நயன்தாரா பிரபுதேவா உடனான உறவில் இருந்து வெளியேற முடிவு செய்தார். பின்னர் இருவரும் பிரேக் அப் செய்து பிரிந்துவிட்டனர்.
