Stomach Cancer: இன்றைய காலகட்டத்தில் பல தீவிர நோய்கள் பலரை பாடாய் படுத்தி வருகின்றன. அவற்றில் புற்றுநோயும் ஒன்று. அந்த காலம் முதல் இந்த காலம் வரை புற்றுநோய் ஒரு கொடிய விஷயமாக உள்ளது. இது ஒரு கொடூரமான நோய். இதன் பெயரைக் கேட்டாலே அனைவரையும் பீதி பற்றிக்கொள்ளும். முந்தைய காலங்களில், இது வெகு சிலருக்கே ஏற்பட்டது. ஆனால், இன்றளவில் புற்றுநோய் பலருக்கு ஏற்படுவதை நாம் காண்கிறோம். குறிப்பாக, இளைஞர்களை இது வெகுவாக பாதிக்கிறது.
சமீபத்திய ஆண்டுகளில், இந்தியாவில் இளைஞர்களிடையே புற்றுநோய் பாதிப்புகள் ஆபத்தான அதிகரிப்பைக் கண்டுள்ளன. இது கவலை அளிக்கும் ஒரு சூழ்நிலையாகும். புற்றுநோய் தற்போது இளைஞர்களுக்கு பெரும் அச்சுறுத்தலாக மாறியுள்ளது. இந்தியாவில் ஒன்பது பேரில் ஒருவருக்கு அவர்களின் வாழ்நாளில் ஏதாவது ஒரு கட்டத்தில் புற்றுநோய் வர வாய்ப்புள்ளதாக தரவுகள் கூறுகின்றன.
அந்தவகையில், வயிற்றுப் புற்றுநோயால் (Stomach Cancer) பாதிக்கப்படுபவர்களின் விகிதம் குறைந்திருந்தாலும், 2016-ல் இருந்து இந்தியாவில் இளம் வயது இரைப்பை புற்றுநோய் அதிகரித்துள்ளது. இந்த புற்றுநோய் பெரும்பாலும் இளைஞர்களிடையே அதிகமாக காணப்படுகின்றது. புற்றுநோயின் அறிகுறிகள் ஆண்களுக்கும் பெண்களுக்கும் ஒரே மாதிரியானவை. ஆனால் அதன் அறிகுறிகள் ஒவ்வொருவருக்கும் வித்தியாசமாகத் தோன்றும் என்பதும் உண்மை. வயிற்றுப் புற்றுநோயாளியின் சிகிச்சையானது புற்றுநோய் இருக்கும் இடத்தைப் பொறுத்தது. அது எவ்வளவு தூரம் பரவியது? என்ற அடிப்படையில் சிகிச்சை அளிக்கப்படுகிறது.
வயிற்றுப் புற்றுநோயில் குறிப்பிட்ட அறிகுறிகள் எதுவும் இல்லை, ஆனால் பொதுவான அறிகுறிகளுக்கு நீங்கள் கவனம் செலுத்தவேண்டும். அதன் அறிகுறிகள் இயல்பானவை. சரியான நேரத்தில் சிகிச்சையளிக்கப்படாவிட்டால், இது உடலின் மற்ற பகுதிகளுக்கு வேகமாக பரவுகிறது. வயிற்றில் புற்றுநோய் இருந்தால், வயிற்றில் கடுமையான வலி மற்றும் வீக்கம் ஏற்படலாம். எந்த காரணமும் இல்லாமல் வலி தொடர்ந்தால், நீங்கள் உடனடியாக எச்சரிக்கையாக இருக்க வேண்டும். வயிற்றின் மேல் பகுதியில் அடிக்கடி வலி மற்றும் வீக்கம் ஏற்படும். கட்டியின் அளவு அதிகரிக்கும் போது, வயிற்று வலியும் அதிகரிக்கிறது. அத்தகைய நிலையில், உடனடியாக மருத்துவரிடம் செல்ல வேண்டும்.
தவறான உணவுப் பழக்கத்தால், வயிற்று உப்புசம் பிரச்சனை ஏற்படுகிறது. இதுவும் சாதாரணமாக இருக்கலாம் ஆனால் நீண்ட நாட்களாக வீக்கம் ஏற்பட்டால் அது வயிற்று புற்றுநோயின் அறிகுறியாக இருக்கலாம். வயிறு எப்பொழுதும் வீங்கியதாக உணர்ந்தால் அதை அலட்சியம் செய்யக்கூடாது. வீக்கத்திற்கான சரியான காரணத்தை அறிய, உடனடியாக ஒரு பரிசோதனை செய்ய வேண்டும்.
மார்பில் எரியும் உணர்வு மற்றும் வலி ஆகியவை வயிற்றுப் புற்றுநோயின் அறிகுறிகளாகவும் இருக்கலாம். வயிற்றில் புற்றுநோய் வந்தால், செரிமானம் பாதிக்கப்படும். இது நெஞ்செரிச்சல் மற்றும் அமில ரிஃப்ளக்ஸ் பிரச்சனைகளைத் தூண்டும். இது நீண்ட நேரம் தொடர்ந்தால், உடனடியாக மருத்துவரை அணுக வேண்டும்.
நீங்கள் எப்போதும் வாந்தி மற்றும் குமட்டல் போல் உணர்ந்தால் அது வயிற்று புற்றுநோயாக இருக்கலாம். மோசமான செரிமானம் காரணமாக இது நிகழ்கிறது. புற்றுநோய் அதிகரிக்கும் போது, பிரச்சனையும் அதிகரிக்கிறது. அத்தகைய அறிகுறிகள் தோன்றினால், நீங்கள் உடனடியாக ஒரு மருத்துவரை அணுக வேண்டும். வயிற்றுப் புற்றுநோய் ஏற்பட்டால், மலத்தில் இரத்தம் இருக்கலாம். இந்த அறிகுறியை புறக்கணிக்கக்கூடாது, இல்லையெனில் நிலைமை தீவிரமாகிவிடும்.
