சென்னையில் தங்கம் விலை சவரனுக்கு ரூ.400 உயர்ந்து ரூ.37,440-க்கு விற்பனையாகிறது..
உக்ரைன் – ரஷ்யா போர் உள்ளிட்ட பல காரணங்களால் சர்வதேச அளவில் பொருளாதார அச்சுறுத்தல்கள் ஏற்பட்டுள்ளது.. கச்சா எண்ணெய், தங்கம் ஆகியவற்றின் விலை உயர்ந்து கொண்டே வருகிறது.. பங்குச்சந்தைகள் சரிந்து வருகின்றன.. பாதுகாப்பு கருதி பல முதலீட்டாளர்கள் பங்குச்சந்தையில் இருந்து பணத்தை எடுத்து தங்கத்தில் முதலீடு செய்து வருகின்றனர்.. இதனால் தங்கத்தின் தேவை அதிகரித்து, விலை கிடுகிடுவென உயர்ந்து வருகிறது..
இந்நிலையில் தங்கம் விலை இன்று மீண்டும் உயர்ந்துள்ளது.. இன்று ஒரே நாளில் 2-வது முறை அதிரடியாக உயர்ந்துள்ளது.. ஒரு கிராமுக்கு ரூ.50 உயர்ந்து ரூ.4,680-க்கு விற்பனையாகிறது.. சவரனுக்கு ரூ.400 உயர்ந்து ரூ.37,440-க்கு விற்பனையாகிறது.. இதே போல் இன்று வெள்ளியின் விலையும் உயர்ந்துள்ளது.. ஒரு கிராம் வெள்ளி ரூ.61.60-க்கு விற்பனையாகிறது.. இதனால் ஒரு கிலோ வெள்ளி ரூ.61,600-க்கு விற்பனை செய்யப்படுகிறது.
