Needles removed: ஒடிசாவில் இளம்பெண்ணின் மண்டை ஓட்டில் இருந்து 77 ஊசிகளை மருத்துவர்கள் அகற்றிய சம்பவம் அதிர்ச்சியை ஏற்படுத்தியுள்ளது.
ஒடிசா மாநிலம் இச்கானை சேர்ந்த இளம்பெண் ரேஷ்மா பெஹெரா, கடந்த சில நாட்களாக கடும் தலைவலியால் அவதிப்பட்டு வந்துள்ளார். இதையடுத்து மருத்துவமனையில் அனுமதிக்கப்பட்ட ரேஷ்மாவை, மருத்துவர்கள் சோதனை செய்தபோது அதிர்ச்சியடைந்தனர். அவரது மண்டை ஓட்டில் ஊசி இருப்பதை கண்ட மருத்துவர்கள் அதிர்ச்சியடைந்தனர். இதையடுத்து, பர்லாவில் உள்ள வீர் சுரேந்திர சாய் மருத்துவ அறிவியல் மற்றும் ஆராய்ச்சி நிறுவனத்தில் (VIMSAR) அறுவை சிகிச்சை நிபுணர்கள் அறுவை சிகிச்சை செய்து மொத்தம் 77 ஊசிகளை அகற்றியுள்ளனர்.
அதாவது, முதல் அறுவை சிகிச்சையின் போது 70 ஊசிகள் அகற்றப்பட்டதாகவும், சனிக்கிழமையன்று தொடர்ந்த நடைமுறையில் கூடுதலாக ஏழு ஊசிகள் மீட்கப்பட்டதாகவும் இயக்குனர் பாபக்ரஹி ராத் தெரிவித்தார். அதிர்ஷ்டவசமாக, ஊசிகள் மென்மையான திசு காயங்களை ஏற்படுத்தினாலும், அவை எந்த எலும்பு சேதத்தையும் ஏற்படுத்தவில்லை என்றும் மருத்துவர்கள் தெரிவித்தனர்.ரேஷ்மா மற்ற உடல்நலப் பிரச்சினைகளுக்காக தொடர்ந்து கண்காணிப்பில் இருப்பதாகவும் மருத்துவர் தெரிவித்தார்.
நான்கு ஆண்டுகளுக்கு முன்பு தனது தாயின் மரணத்திலிருந்து அடிக்கடி நோய்வாய்ப்பட்டிருந்த ரேஷ்மா, 2021 இல் ஒரு மந்திரவாதியின் உதவியை நாடியுள்ளார். அப்போது இளம்பெண்ணின் தலையில், அந்த மந்திரவாதி ஊசிகளை குத்தியதாகவும் கூறப்படுகிறது. இதையடுத்து அந்த மந்திரவாதி கைது செய்யப்பட்டுள்ளார் என்பது குறிப்பிடத்தக்கது.
Readmore: இஸ்ரேல் தாக்குதல்!. இறந்த தாயின் வயிற்றில் இருந்து பிறந்த குழந்தை!. காசாவில் நெகிழ்ச்சி!.
