தொலை தொடர்பு நிறுவனங்கள் போட்டிப்போட்டுக் கொண்டு தங்கள் வாடிக்கையாளர்களுக்காக பல்வேறு மாதாந்திர திட்டங்களை அறிமுகம் செய்து வருகின்றனர்.. அந்த வகையில் அரசின் தொலை தொடர்பு நிறுவனமான பி.எஸ்.என்.எல் மலிவு விலையில் பல்வேறு திட்டங்களை செயல்படுத்தி வருகிறது.. மற்ற நிறுவனங்களை விட குறைவான விலையில் ரீசார்ஜ் திட்டங்களை வழங்குவதால். பலரும் பிஎஸ்.என்.எல் சிம்மை 2-வது சிம்-ஆக பயன்படுத்துகின்றனர்..
இந்நிலையில் பிஎஸ்.என்.எல் நிறுவனம் புதிதாக ஒரு திட்டத்தை அறிமுகம் செய்துள்ளது.. ரூ.797க்கு வருடாந்திர ரீசார்ஜ் திட்டத்தை அந்நிறுவனம் அறிமுகம் செய்துள்ளது.. இதுவே இத்திட்டத்தின் மிகப்பெரிய நன்மையாக கருதப்படுகிறது.. இந்த திட்டம் வரம்பற்ற குரல் அழைப்புகள் மற்றும் 365 நாட்கள் செல்லுபடியாகும்.. மேலும் அதிவேக 4G டேட்டா போன்ற பல்வேறு நன்மைகள் இதில் உள்ளன…
ரூ 797 திட்டத்தின் நன்மைகள் : இந்த திட்டம் வரம்பற்ற உள்ளூர், எஸ்டிடி மற்றும் ரோமிங் அழைப்புகளை வழங்குகிறது.. 365 நாட்கள் செல்லுபடியாகும். இந்த திட்டத்தில் 2ஜிபி அதிவேக டேட்டா மற்றும் ஒரு நாளைக்கு 100 எஸ்எம்எஸ் ஆகியவை அடங்கும். எனினும், 60 நாட்களுக்குப் பிறகு, ஒரு நாளைக்கு 2GB டேட்டா காலாவதியாகிவிடும், மேலும் இணைய வேகம் 80kbps ஆக குறையும்.
இத்திட்டம் 365 நாட்களுக்கு செல்லுபடியாகும் என்றாலும், ரீசார்ஜ் செய்த முதல் இரண்டு மாதங்களுக்கு மட்டுமே அழைப்பு மற்றும் டேட்டா பலன்கள் கிடைக்கும். 60 நாட்களுக்குப் பிறகு, பயனர்கள் வரம்பற்ற தொலைபேசி அழைப்புகளைச் செய்யவோ அல்லது ஒரு நாளைக்கு 2 ஜிபி டேட்டாவை அனுபவிக்கவோ முடியாது. இருப்பினும், இது இந்த திட்டத்தின் செல்லுபடியை பாதிக்காது. எனவே, ஆண்டு முழுவதும் ஆக்டிவாக வைத்திருக்க வேண்டிய சிம் உங்களிடம் இருந்தால், இந்தத் திட்டம் உங்களுக்கு ஏற்றது. BSNL இன் ரூ.797 திட்டம் நாட்டின் அனைத்து பகுதிகளிலும் கிடைக்கிறது மற்றும் ஆன்லைன் போர்டல், BSNL Selfcare ஆப், Google Pay மற்றும் Paytm போன்றவற்றின் மூலம் ரீசார்ஜ் செய்யலாம்.
