பசுக்களை கொல்வதை நிறுத்தினால் பூமியில் உள்ள அனைத்து பிரச்சனைகளும் தீர்க்கப்படும் என்று குஜராத் நீதிமன்றம் கருத்து தெரிவித்துள்ளது.
கடந்த 2020-ம் ஆண்டு ஆகஸ்ட் மாதம், மகாராஷ்டிராவில் இருந்து குஜராத்திற்கு 16 மாடுகளை சட்டவிரோதமாக கடத்தி வந்த குற்றத்திற்காக முகமது அமீன் என்ற நபர் போலீசாரால் கைது செய்யப்பட்டார்.. இந்த வழக்கு விசாரணை குஜராத் தாபி மாவட்ட நீதிமன்றத்தில் நடைபெற்று வந்தது.. வழக்கை விசாரித்த நீதிபதி சமீர் வினோத் சந்திரா, குற்றம்சாட்டப்பட்ட முகமது அமீனுக்கு ஆயுள் தண்டனையும் ரூ.5 லட்சம் அபராதமும் விதித்து உத்தரவிட்டார்..
நீதிபதி வழங்கிய தீர்ப்பில் தெரிவித்துள்ள கருத்துகள் கவனம் பெற்றுள்ளன.. அதில் “ பசு ஒரு விலங்கு மட்டுமல்ல அது தாய். பசுவைப் போல நன்றியுணர்வு கொண்ட உயிரினம் எதுவும் இல்லை.. என்றைக்கு பசுவின் ஒரு துளி இரத்தம் பூமியில் சிந்தாமல் உள்ளதோ, அன்று பூமியின் அனைத்து பிரச்சனைகளும் தீர்க்கப்படும்..
68 கோடி புண்ணிய ஸ்தலங்களும் முப்பத்து முக்கோடி தேவர்களும் வாழும் கிரகத்தில் பசு வாழ்கிறது… எனவே பசுவை பாதுகாப்பது நமது கடமை. இந்தச் சூழ்நிலையில் மாடுகளை கொல்வது வேதனையும் வருத்தமும் தருகிறது. பசுவின் சாணத்தால் ஆன வீடுகள் அணுக் கதிர்வீச்சினால் பாதிக்கப்படுவதில்லை என்று அறிவியல் நிரூபித்துள்ளது. கோமியம் பல தீராத நோய்களுக்கு மருந்தாகும். பசு மதத்தின் சின்னம்
தற்போதைய நிலையைப் பார்த்தால், 75 விழுக்காடு பசுக்கள் அழிந்து விட்டது என்பது தெளிவாகத் தெரியும். இப்போது 25 விழுக்காடு மட்டுமே எஞ்சியுள்ளது. மக்கள் பசுக்களை மறக்கும் நிலை ஏற்படலாம்.. நாம் சுதந்திரம் பெற்று 70 ஆண்டுகளுக்கும் மேலாகிவிட்டன. பசுக்கள் கொல்லப்படுவது மட்டும் நிறுத்தப்படவில்லை ஆனால் உச்சக்கட்டத்தை எட்டுகிறது” என்று நீதிபதி கருத்து தெரிவித்தார்..
