Heavy Rain Alert: மேற்கு-மத்திய மற்றும் வடமேற்கு வங்கக்கடலில் உருவான காற்றழுத்த தாழ்வு பகுதி தீவிரமடைந்து ஆழ்ந்த காற்றழுத்த தாழ்வு மண்டலமாக உருவாகும் என எதிர்பார்க்கப்படுகிறது, இதனால் ஒடிசா, மேற்கு வங்கம், ஆந்திரா மற்றும் சத்தீஸ்கர் ஆகிய மாநிலங்களுக்கு கனமழை எச்சரிக்கை விடுக்கப்பட்டுள்ளது.
இந்திய வானிலை ஆய்வு மையத்தின் (IMD) படி, காற்றழுத்த தாழ்வு மண்டலம் மணிக்கு 17 கிமீ வேகத்தில் நகர்கிறது மற்றும் ஆந்திரப் பிரதேசத்தின் கலிங்கப்பட்டினத்திலிருந்து கிழக்கே 270 கிமீ தொலைவிலும், ஒடிசாவின் கோபால்பூருக்கு கிழக்கே-தென்கிழக்கே 210 கிமீ தொலைவிலும், பாரதீப்பிலிருந்து 230 கிமீ தெற்கே-தென்கிழக்காகவும் அமைந்துள்ளது. காலை 11:30 மணி நிலவரப்படி, ஒடிசாவிலும், மேற்கு வங்கத்தில் திகாவிற்கு தெற்கே 370 கி.மீ. தொலைவில் உள்ளது. இதனால், ஒடிசா, மேற்கு வங்க கடலோர பகுதிகளில் எச்சரிக்கை விடுக்கப்பட்டுள்ளது.
இந்த காற்றழுத்த தாழ்வுப் பகுதி, வடக்கு நோக்கி நகர்ந்து வடக்கு ஒடிசா-மேற்கு வங்கக் கடற்கரையை நோக்கி அடுத்த 24 மணி நேரத்தில் ஆழ்ந்த காற்றழுத்தத் தாழ்வு மண்டலமாக வலுப்பெறும் என எதிர்பார்க்கப்படுகிறது. மேலும், இது இன்று மதியம்(செப்.9) ஒடிசாவின் பூரி மற்றும் மேற்கு வங்காளத்தின் திகா இடையே கரையைக் கடக்கும் என்று கணிக்கப்பட்டுள்ளது. மேலும், உள்நாட்டிற்கு நகர்ந்து, ஒடிசா, கங்கை மேற்கு வங்காளம், ஜார்கண்ட் மற்றும் வடக்கு சத்தீஸ்கரை அடுத்த இரண்டு நாட்களில் பாதிக்கும் என இந்துஸ்தான் டைம்ஸ் செய்தி வெளியிட்டுள்ளது.
கடலோர ஆந்திரப் பிரதேசம் மற்றும் யானம் பகுதிகளில் லேசானது முதல் மிதமான மழை பெய்யலாம் மற்றும் சில பகுதிகளில் இன்று கனமழை முதல் மிக கனமழை வரை பெய்யக்கூடும். ஒடிசாவிலும் இன்று கனமழை பெய்யும் என எச்சரிக்கை விடுக்கப்பட்டுள்ளது. செப்டம்பர் 11 ஆம் தேதி வரை தொடர்ந்து கனமழையை எதிர்பார்க்கலாம் என்றும் ஐந்து மாவட்டங்களில் சிவப்பு எச்சரிக்கை விடுக்கப்பட்டுள்ளதாகவும் குறிப்பிடப்பட்டுள்ளது.
தெலுங்கானாவில் பல பகுதிகளில் லேசானது முதல் மிதமான மழை பெய்யும் என கணிக்கப்பட்டுள்ளது, கங்கை நதியான மேற்கு வங்கத்தில், இன்றுமுதல் 12 ம் தேதிவரை கனமழை முதல் மிக கனமழை வரை தொடரும் என்றும் எதிர்பார்க்கப்படுகிறது. தெற்கு ஜார்கண்ட் செப்டம்பர் 10-11 முதல் கனமழை முதல் மிக கனமழை வரை பெய்யும் என்று எதிர்பார்க்கப்படுகிறது.
Readmore: முன்னாள் பிரதமர் ஷேக் ஹசீனாவை இந்தியாவிலிருந்து நாடு கடத்த நடவடிக்கை!. வங்கதேச அரசு!
