பெங்களூரு கிறிஸ்து பல்கலைக்கழக ஆங்கில பேராசிரியர் சாஜி வர்கீஸ், பல்கலைக்கழக வளாகத்தில் நடந்து கொண்டிருந்தபோது, தரையில் கிடந்த தென்னை ஓலையை கவனித்தார். அதற்கு முந்தைய தினம் , அவர் நெதர்லாந்து நாட்டு விருந்தினர் ஒருவருடன் பிளாஸ்டிக்கின் தாக்கம் பற்றி பேசிக்கொண்டிருந்தார். தென்னை ஓலையை பார்த்ததும், அவருக்கு உண்டான எண்ணமே, ’சன்பேர்ட் ஸ்டிராஸ்’ நிறுவனமாக உருவானது. பலருக்கும் பயனில்லாத தென்னை ஓலை, சாஜிக்கு ஒரு வாய்ப்பாக தோன்றியது.சுற்றுச்சூழல் நட்பான ஸ்டிராவை உருவாக்க இது பயன்படும் என நினைத்தார்.
தென்னை ஓலைகளை பயன்படுத்தி ஆராய்ச்சிகளை மேம்படுத்த துவங்கினார். இயற்கையாக உள்ள ஓலைகளில் மெழுகு உள்ளது என்றும், அதன் மூலம் ஸ்டிராக்கள் உருவாக்கப்படுகின்றன என்றும் அவர் நினைத்திருந்தார். ஸ்டிராக்களின் மெழுகு பூஞ்சைக்கு எதிரான மற்றும் ஹைட்ரோபோபிக் தன்மையை அளிக்கும் விதம் அவர் நினைத்திருந்தார். மூன்று ஆண்டுகள் கழித்தபோது, தென்னை ஓலைகளில் உள்ள ஸ்டிராக்களை உருவாக்க ஒரு நிறுவனத்தை துவக்கினார்.
தென்னை பண்ணைகள் அதிகம் உள்ள கிராமப்புறங்களில் தயாரிப்புக்கு முந்தைய மையங்கள் அமைந்துள்ளன. தமிழ்நாட்டின் தூத்துக்குடி, நாகர்கோயில், மதுரை, கேரளா மற்றும் கர்நாடகா இவை அமைந்துள்ளன. இங்குள்ள பெண்கள் தென்னை ஓலைகளை சேகரித்து மையப்பகுதியை அகற்றுகின்றனர். அதன் பிறகு, ஓலைகள் சுத்தம் செய்யப்பட்டு, மொத்தமாக கட்டப்பட்டு, தூத்துக்குடி, காசர்கோடு மற்றும் பன்னூரில் உள்ள உற்பத்தி ஆலைகளுக்கு அனுப்பி வைக்கப்படுகின்றன.
பின்னர், பெங்களூரூ ஆலையில் இறுதி தயாரிப்புப் பணிகள் நடைபெறுகின்றன. பைனல் கட்டிங், சுத்தம் செய்வது, தரம் சோதனை மற்றும் பேக்கிங் இங்கு நிகழ்கின்றன. தற்போது நிறுவனம் நாள் ஒன்றுக்கு 6,000 ஸ்டிராக்கள் உற்பத்தி செய்கிறது. மாதந்தோறும் இரண்டு லட்சம் ஸ்டிராக்கள் வரை தயாராகிறது. சன்பேர்ட் ஸ்டிராக்கள் அதன் அளவிற்கு ஏற்ப ரூ.1.70 முதல் ரூ.250 ஆகிறது. ஸ்டிராவுக்கான உற்பத்தி செலவு ரூ.120 என்கிறார்.
சன்பேர்ட் ஸ்டிராக்கள் அமேசான் மற்றும் பிளிப்கார்ட்டில் விற்பனை ஆகின்றன. போர் சீசன்ஸ், Accor Group, Novotel, Ibis, மற்றும் சாய்டேஸ் ஆகிய வர்த்தக வாடிக்கையாளர்களைக் கொண்டுள்ளது. ஐரோப்பா, மத்திய கிழக்கு மற்றும், அமெரிக்கா, கனடாவில் விநியோகிஸ்தர்களைக் கொண்டுள்ளது.
