கட்டுமானம் மற்றும் தகவல் தொழில்நுட்பம் சேவையில் முன்னணி வகிக்கும் லார்சன் & டப்ரோ (எல்&டி) நிறுவனம் காலிப்பணியிடங்களுக்கான அறிவிப்பை வெளியிட்டுள்ளது.
பதவி: பட்டயப் பயிற்சி பொறியாளர் (DIPLOMA ENGINEER TRAINEES)
கல்வித் தகுதி: 2023 ஏப்ரல் – மே கல்வியாண்டில் கீழ்காணும் துறைகளில் Civil, Electrical, Mechanical, Mechatronics, Electronics & Communication, Electronics & Instrumentation, Automobile, Environmental Health & Safety, Computer Science / Information Technology, Mining, Instrumentation & Control, Chemical & Metallurgy பட்டயப் படிப்புச் சான்றிதழ்கள் பெற்றவர்கள் அல்லது இறுதி ஆண்டில் படித்துக் கொண்டிருக்கும் மாணவர்கள் மட்டுமே இதற்கு விண்ணப்பிக்க முடியும் என்று தெரிவிக்கப்பட்டுள்ளது.
அடிப்படைத் தகுதிகள்: 10, 12ஆம் வகுப்பு தேர்வுக்கு பிறகு 3 ஆண்டுகள்/ 6 செமஸ்டர் தேர்வுகள் கொண்ட முழுநேர டிப்ளமோ படிப்பு முடித்தவர்கள் இதற்கு விண்ணப்பிக்கலாம் என்றும் 2023 ஜூன் 30ஆம் தேதிக்குள் டிப்ளமோ படிப்பை முடிக்க காத்திருக்கும் மாணவர்களும் இதற்கு விண்ணப்பிக்கலாம். 60% மதிப்பெண்களுடன் முதல் முயற்சியிலேயே டிப்ளமோ பட்டம் பெற்றிருக்க வேண்டும்.
வயது வரம்பு: விண்ணப்பதாரர்கள் 1-7-2001 க்கும் 30-6-2005 இடையில் பிறந்திருக்க வேண்டும்.
விண்ணப்பிப்பது எப்படி..?
லார்சன் & டப்ரோ (எல்&டி) நிறுவனத்தின் அதிகாரப்பூர்வ இணையதளத்தில் மட்டுமே விண்ணப்பிக்க வேண்டும். கல்வித் தகுதி, ஆதார் எண், மின்னஞ்சல் முகவரி, புகைப்படம், சுயவிவரக்குறிப்பு உள்ளிட்ட தகவல்களை சமர்ப்பிக்க வேண்டும்.
விண்ணப்பிப்பதற்கான இணையதள முகவரி: https://campus.lntedutech.com/offline/#/open/off-campus-det/profile
