இந்தியாவில் உள்ள ஒவ்வொரு பெண்ணுக்கும் நிதிப் பாதுகாப்பை வழங்குவதற்காக நிதி அமைச்சகத்தின் பொருளாதார விவகாரங்கள் துறையால் “மகிளா சம்மான் சேமிப்புச் சான்றிதழ்” திட்டம் தொடங்கப்பட்டது. இத்திட்டம் இனி அஞ்சல் அலுவலகங்கள் மற்றும் தகுதியான அட்டவணைப்படுத்தப்பட்ட வங்கிகளில் சந்தாக்களுக்குக் கிடைக்கும். இந்தத் திட்டம் ஏப்ரல் 1, 2023 முதல் அஞ்சல் துறை மூலம் செயல்பாட்டில் உள்ளது.
இந்த திட்டம் அனைத்து சிறுமிகளுக்கும், பெண்களுக்கும் பாதுகாப்பான முதலீட்டு விருப்பங்களை வழங்குகிறது. இந்த திட்டத்தின் வைப்புத்தொகைக்கு ஆண்டுக்கு 7.5% வட்டி வழங்கப்படும். இதன் வட்டி காலாண்டுக்கு ஒருமுறை கூட்டப்படும். இதில் குறைந்தபட்சம் ரூ.1,000 முதலீடு செய்யலாம். அதிகபட்சம் ரூ.2,00,000. இத்திட்டத்தின் காலம் இரண்டு ஆண்டுகள். இரண்டு ஆண்டுகள் கழித்து 7.5% வட்டியுடன் ரிட்டர்ன் பெற முடியும்.
தகுதி:
* விண்ணப்பதாரர்கள் இந்திய குடியுரிமை பெற்றிருப்பது அவசியம்.
* பெண்கள் மற்றும் பெண் குழந்தைகளுக்கு மட்டுமே இந்த திட்டம் செயல்படுத்தப்படுகிறது.
* எந்தவொரு தனிப்பட்ட பெண்ணும் விண்ணப்பிக்கலாம்.
* சிறு கணக்கையும் காப்பாளரால் திறக்க முடியும்.
* வயது வரம்பு இல்லை மற்றும் அனைத்து வயது பெண்களும் இந்தத் திட்டத்தின் பலன்களைப் பெறலாம்.
* இந்தத் திட்டத்தின் கீழ் திறக்கப்படும் கணக்கு தனி கணக்காக இருக்கும்.
Read More : அதிர்ச்சி..!! பிரபல ரவுடியை சுட்டுப் பிடித்த பெண் எஸ்.ஐ. மீது தாக்குதல்..!! நடந்தது என்ன..?
