அதிக தித்திப்பாக இருக்கும் சீதாப்பழத்தை சர்க்கரை நோயாளிகளும் சாப்பிடலாம். அந்தளவிற்கு ஆரோக்கிய நன்மைகளை கொண்ட இந்த சீதாப்பழத்தின் மருத்துவ குணங்களை இந்த தொகுப்பில் பார்க்கலாம்.
சீதாப்பழத்தில் வைட்டமின்கள், தாதுக்கள் மற்றும் ஊட்டச்சத்துகள் அதிகளவில் உள்ளன. அதன்படி, வைட்டமின் ஏ, வைட்டமின் சி, இரும்புச்சத்து, பொட்டாசியம், தாமிரம், மக்னீசியம் ஆகியவை சீதா பழத்தில் மிகுந்து காணப்படுகின்றன. இந்த பழம் நம்முடைய எலும்புகளை வலுவாக்கும். வீக்கம், மாதவிடாய் முன் நோய்க்குறி (pms) போன்ற நோய்களை குணமடைய செய்ய உதவுகிறது. நீரழிவு நோய் வந்தவர்கள் பழங்களை அதிகமாக சாப்பிடுவதை தவிர்க்க மருத்துவர்கள் அறிவுறுத்துவார்கள். ஏனென்றால் பருவகால பழங்கள் இரத்தத்தில் சர்க்கரையின் அளவை சட்டென ஏற்றிவிடும். ஆனால் நீரிழிவு நோயாளிகளுக்கு நன்மை பயக்கும் வைட்டமின் பி6 சீதா பழத்தில் உள்ளது.
சீதாப் பழத்தில் உள்ள பொட்டாசியம், மெக்னீசியம் இரத்த அழுத்தத்தைக் கட்டுப்படுத்துகிறது. நீரிழிவு நோயாளிகள் சீதாப்பழத்தை சாப்பிட வேண்டும். ஏனெனில் இது அவர்களின் ஆரோக்கியத்தை சிறப்பாக வைத்திருக்க உதவுகிறது. நார்ச்சத்து ஏராளமாக உள்ள சீதாப் பழத்தை எடை குறைக்க நினைப்பவர்கள் உண்ணலாம். மேலும் சீதாப்பழம் சாப்பிடுவதால், மன நலம் ஆரோக்கியமாக இருக்க உதவுகிறது. கண் பார்வை மேம்படுகிறது. ரத்தத்தில் ஹுமோகுளோபின் அளவை அதிகரிக்கும். புற்றுநோய் எதிர்ப்பு பண்புகளை கொண்டுள்ளது. அசிட்டிட்டிக்கு நல்லது. செரிமானத்தை மேம்படுத்துகிறது. அழற்சி எதிர்ப்பு பண்புகள் உள்ளன. சருமத்தை மென்மையாகவும், பொலிவாகவும் மாற்ற உதவுகிறது.