RIP: 2017ம் ஆண்டு மிஸ் இந்தியா பட்டத்தை வென்ற ரிங்கி சக்மா மார்பக புற்றுநோய் காரணமாக உயிரிழந்தார்.
ரிங்கி சக்மா 2017 ஆம் ஆண்டு மிஸ் இந்தியா பட்டத்தை வென்றிருந்தார். இவருக்கு தற்போது வயது 25. இவர் கடந்த இரண்டு ஆண்டுகளாக மார்பக புற்றுநோயுடன் போராடி வந்தார். 2022 ஆம் ஆண்டில், அவருக்கு வீரியம் மிக்க பைலோட்ஸ் கட்டி இருப்பது கண்டறியப்பட்டது, அதன் பிறகு அவர் அறுவை சிகிச்சைக்கு உட்படுத்தப்பட்டார். ஆனால் சிறிது நேரத்தில் புற்றுநோய் நுரையீரலுக்கு பரவியது. அதன் பிறகு அவரது உடல்நிலை தொடர்ந்து மோசமடைந்ததால் கீமோதெரபியை தொடர முடியாத நிலை ஏற்பட்டது.
இந்நிலையில் பிப்ரவரி 22 அன்று சக்மா மருத்துவமனையில் அனுமதிக்கப்பட்டார். அங்கு வென்டிலேட்டர் ஆதரவில் வைக்கப்பட்டார். இந்நிலையில் சிகிச்சை பலனின்றி நேற்று காலமானார். அவர் உயிரிழந்த தகவல் மிஸ் இந்தியாவின் சமூக வலைத்தளத்தில் அதிகாரப்பூர்வமாக தெரிவிக்கப்பட்டுள்ளது. கடந்த 2017 மிஸ் இந்தியா போட்டியின் போது ரிங்கி தனது சமூகத்திற்கு சேவை செய்வதில் அர்ப்பணிப்புடன் போட்டியிட்டதால் அவருக்கு மிஸ் கான்ஜினியலிட்டி மற்றும் பியூட்டி வித் எ பர்பஸ் ஆகிய 2 துணை தலைப்புகளைப் பெற்றார் என்பது குறிப்பிடத்தக்கது.
Readmore: ’விரும்பிய துறைகளில் உச்சம் தொட வாழ்த்துகள்’..!! 12ஆம் வகுப்பு மாணவர்களுக்கு விஜய் வாழ்த்து..!!
