அட்லி இயக்கத்தில் பாலிவுட் பாட்ஷா என்று அழைக்கப்படும் ஷாருக்கான் நடிப்பில் உருவான படம் ஜவான். இந்த படத்தின் மூலம் பாலிவுட்டில் நுழைந்தார் இயக்குநர் அட்லீ. இந்த படத்தில் நயன்தாரா தீபிகா படுகோன், சஞ்ஜய் தத், விஜய் சேதுபதி உள்ளிட்ட பலர் நடித்துள்ளனர். இந்த படம் கடந்த 7ஆம் தேதி, உலகம் முழுவது 4,500 திரையரங்குகளில் வெளியாகியுள்ளது.
இந்த படம் முதல்நாளில் ரூ.129 கோடி வசூலித்துள்ளதாக ஜவான் படத்தின் தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது. மேலும் இந்த படம் 2வது நாளில் ரூ.240 கோடியும், மூன்றாவது நாளில் ரூ.384 கோடியும் வசூலித்துள்ளதாக அதிகாரப்பூர்வ அறிவிப்பு வெளியாகியுள்ளது.
இதனைத்தொடர்ந்து இந்த படத்தின் நான்காவது நாளான இன்று, வார விடுமுறை நாள் என்பதால் வசூல் அதிகரிக்கக்கூடும் என எதிர்பார்க்கப்டுகிறது. இந்த படம் வசூலில் சாதனை படைத்து வருவதால் இன்னும் சில தினங்களில் ஷாருக்கானின் முந்தைய படமான பதான் படத்தின் ஆயிரம் கோடி வசூல் சாதனையும் முறையடித்துவிடும் என எதிர்ப்பார்க்கப்படுகிறது.
