திருவள்ளூர் மாவட்டம் திருத்தணியில் மாலை முதல் இரவு வரை வானம் மேகமூட்டத்துடன் காணப்பட்டது. இரவு 10.30 மணிக்கு மேற்கு பகுதியில் திடீரென்று வானில் வெள்ளை நிற மிகப் பெரிய வட்டம் தோன்றியதால், அதன் அருகில் இருந்த நிலா கூட சிறியதாக தெரிந்தது. இதனை பொதுமக்கள் அச்சம் கலந்த அதிசயமாக பார்த்து ரசித்தனர். இந்த நிகழ்வு ஏன் தோன்றியது? எதற்காக தோன்றியது? என்று பொதுமக்களுக்கு குழப்பம் எழுந்துள்ளது.
மேலும், இதுகுறித்து வானிலை ஆராய்ச்சி சார்ந்த அதிகாரிகள் விளக்கம் கொடுக்க வேண்டும் என்று திருத்தணி மக்கள் கோரிக்கை விடுத்துள்ளனர். மேலும், நள்ளிரவில் வானத்தில் தோன்றிய வெள்ளை நிற வட்டம் பொதுமக்கள் மத்தியில் ஒருவித அச்சத்தை ஏற்படுத்தியுள்ளது என்பது குறிப்பிடத்தக்கது.
