உலகின் அதிக எடை கொண்ட முள்ளங்கியை வளர்த்து ஜப்பான் நிறுவனம் கின்னஸ் உலக சாதனை படைத்துள்ளது.
தோட்டத்தில் காய்கறிகளை வளர்ப்பது பலரின் பொழுதுபோக்காக நீண்ட காலமாக இருந்து வருகிறது. காய்கறிகளை வளர்ப்பதற்கு நிறைய நேரம், பொறுமை மற்றும் நிபுணத்துவம் தேவை. சிலர் அதை ஒரு பொழுதுபோக்காகச் செய்கிறார்கள், மற்றவர்கள் உலக சாதனைகளைப் படைக்க இதைச் செய்யலாம். இப்போது, அதிக எடையுள்ள முள்ளங்கியை வளர்த்து ஜப்பானிய உரம் மற்றும் விவசாயப் பொருட்களின் உற்பத்தியாளர் மண்டா ஃபெர்மெண்டேஷன் கோ., லிமிடெட் புதிய உலக சாதனையை படைத்துள்ளது.
கின்னஸ் உலக சாதனைகளின் படி, மிகவும் கனமான முள்ளங்கி இந்த 45.865 கிலோ (101 பவுண்ட் 1.8 அவுன்ஸ்) எடை கொண்டது. 113 சென்டிமீட்டர் சுற்றளவு மற்றும் 80 சென்டிமீட்டர் நீளம் கொண்ட முள்ளங்கியை உற்பத்தி செய்துள்ளது. இதுகுறித்து, கின்னஸ் உலக சாதனை (GWR) சமீபத்தில் தங்கள் அதிகாரப்பூர்வ Instagram பக்கத்தில் Manda Fermentation Co., Ltd என்ற ஜப்பானிய நிறுவனம் புதிய உலக சாதனை படைத்துள்ளதாக அறிவித்துள்ளது. பிப்ரவரி 22, 2023 அன்று மாண்டா ஃபெர்மெண்டேஷன் கோ லிமிடெட் நிறுவனம் கின்னஸ் உலக சாதனையில் இடம்பிடித்தது. இந்நிறுவனம் ஒவ்வொரு ஆண்டும் தங்கள் சொந்த தொழில்நுட்பத்தைப் பயன்படுத்தி முள்ளங்கியை வளர்க்கிறார்கள். இந்த ஆண்டு 100 பவுண்டுகளுக்கு மேல் எடையுள்ள முள்ளங்கியை வளர்த்துள்ளனர். இது ஒரு புதிய உலக சாதனை. கின்னஸ் உலக சாதனை அமைப்பு இந்த சாதனையை உறுதி செய்து அங்கீகரித்துள்ளது.
ஜப்பானைச் சேர்ந்த மனாபு ஊனோ என்ற நபர் பிப்ரவரி 2003 இல் உலகின் மிகப்பெரிய முள்ளங்கியை வளர்த்து உலக சாதனை படைத்திருந்தார். அவரது முள்ளங்கி 31.1 கிலோகிராம் எடையும், 119 சென்டிமீட்டர் சுற்றளவும் கொண்டது. இந்நிலையில், மாண்டா ஃபெர்மெண்டேஷன் நிறுவனம் இதற்கு முந்தைய சாதனையை முறியடித்து சாதனை படைத்துள்ளது.
