விருதுநகர் மாவட்ட பகுதியில் உள்ள திருத்தங்கலில் ராஜா என்பவர் வசித்து வருகிறார். சில நாட்களுக்கு முன்பு நீதிமன்ற ஊழியர் பணிக்கு தேர்வு எழுதி தேர்ச்சி பெற்றவர் என்பது குறிப்பிடத்தக்கது.
இந்த நிலையில் அவர் பணியில் இன்னும் சேரவில்லை. கடந்த சில நாட்களுக்கு முன்னர், ராஜா டீக்கடையில் வழக்கம் போல் உட்கார்ந்திருந்த போது, அங்கு கடைக்கு வந்த இளைஞருடன் ராஜாவுக்கு தகராறு ஏற்பட்டுள்ளது.
தற்போது அந்த இளைஞருக்கு திருமணமானதை தொடர்ந்து அவர் கோவையில் தன்னுடைய மனைவியுடன் வசித்து வருகிறார். மனைவி, கோவை மாவட்ட பகுதியில் உள்ள ஒரு கல்லூரியில் ஊழியராக வேலை பார்க்கிறார். இதனை தெரிந்து கொண்ட ராஜா, அந்த வாலிபரை பழிவாங்க திட்டமிட்டுள்ளார்.
இந்த நிலையில் ராஜா, அந்த இளைஞரின் மனைவி செல்போன் நம்பரை ஆன்லைனில் பதிவிட்டு, பெண்ணின் புகைப்படத்தை ஆபாசமாக சித்தரித்து பதிவிட்டுள்ளார். மேலும் அவரை தொடர்பு கொண்டால் உல்லாசமாக இருக்கலாம் என்றும் குறிப்பிட்டுள்ளார் என்று தெரியப்படுகிறது.
இதனை பார்த்த அந்த இளைஞர் மனைவியுடன் சென்று கோவை சைபர் கிரைம் போலீசில் புகார் செய்ததை தொடர்ந்து, ஆபாசமாக சித்தரித்து பதிவிட்ட நபர் ராஜா என உறுதி செய்தனர். அதன் பின்னர் அவரை கைது செய்து, கோவை நீதிமன்றத்தில் ஆஜர்ப்படுத்தப்பட்டு தற்போது கோவையில் சிறையில் அடைக்கப்பட்டுள்ளார்.
