ஜனவரி 1, 2025 முதல், ரிசர்வ் வங்கி நாடு முழுவதும் உள்ள லட்சக்கணக்கான வங்கிக் கணக்குகள் தொடர்பான முக்கிய மாற்றங்களை செய்ய உள்ளது. இந்த மாற்றங்களைப் புரிந்துகொள்வதும், உரிய நடவடிக்கை எடுப்பதும் அவசியம். ரிசர்வ் வங்கியின் வழிகாட்டுதல்கள் என்ன சொல்கிறது? விரிவாக பார்க்கலாம்.
2025 ஜனவரி 1 முதல் சில வகையான வங்கிக் கணக்குகளை மூட ரிசர்வ் வங்கி முடிவு செய்துள்ளது. வங்கிப் பரிவர்த்தனைகளின் பாதுகாப்பு, வெளிப்படைத்தன்மை மற்றும் செயல்திறனை மேம்படுத்தும் நோக்கத்தில் இந்த முடிவு எடுக்கப்பட்டுள்ளது..
வங்கி அமைப்பை நெறிப்படுத்துவதன் மூலம், மோசடி நடவடிக்கைகளை, குறிப்பாக வங்கிக் கணக்கு ஹேக்கிங்கைத் தடுப்பதையும், டிஜிட்டல் மயமாக்கல் மற்றும் நவீனமயமாக்கலை மேம்படுத்துவதையும் ரிசர்வ் வங்கி நோக்கமாகக் கொண்டுள்ளது.
இந்த புதிய விதி அபாயங்களைக் குறைப்பதற்கும், வங்கிச் செயல்பாடுகளில் உள்ள குறைபாடுகளை நிவர்த்தி செய்வதற்கும், வாடிக்கையாளர்களின் நலன்களைப் பாதுகாத்து அவர்களுக்குச் சிறந்த சேவைகளை வழங்குவதற்கும் வடிவமைக்கப்பட்டுள்ளது.
ஜனவரி 1, 2025 முதல், இந்தப் புதிய வழிகாட்டுதல்களின்படி 3 குறிப்பிட்ட வகையான வங்கிக் கணக்குகள் மூடப்படும். அவை என்னென்ன தெரியுமா?
டார்மெண்ட் கணக்குகள்
டார்மெண்ட் கணக்கு என்பது இரண்டு வருடங்கள் அல்லது அதற்கும் அதிகமான காலத்திற்கு எந்தப் பரிவர்த்தனைகளும் இல்லாத கணக்கு ஆகும்.. இந்த கணக்குகள் ஹேக்கர்களால் எளிதாக தவறாகப் பயன்படுத்தப்படலாம். சைபர் குற்றவாளிகள் பெரும்பாலும் செயலற்ற கணக்குகளை மோசடி நடவடிக்கைகளுக்கு குறிவைக்கின்றனர். வாடிக்கையாளர்களையும் வங்கி அமைப்பையும் பாதுகாக்க, ரிசர்வ் வங்கி அத்தகைய கணக்குகளை மூட முடிவு செய்துள்ளது.
செயலற்ற கணக்குகள்
செயலற்ற கணக்குகள் என்பது குறிப்பிட்ட காலத்தில் (பொதுவாக 12 மாதங்கள் அல்லது அதற்கு மேல்) எந்தப் பரிவர்த்தனை நடவடிக்கையும் இல்லாதவையாகும். கணக்கு பாதுகாப்பை மேம்படுத்தவும், மோசடி நடத்தை அபாயத்தைக் குறைக்கவும் இந்தக் கணக்குகளும் மூடப்படும். உங்களிடம் ஏதேனும் செயலற்ற வங்கிக்கணக்கு இருந்தால் அவை மூடப்படலாம்.
ஜீரோ பேலன்ஸ் கணக்குகள்
நீண்ட காலத்திற்கு ஜீரோ பேலன்ஸை பராமரிக்கும் கணக்குகளும் ஜனவரி 1 முதல் டப்படும். இத்தகைய கணக்குகளை தவறாகப் பயன்படுத்துவதைத் தடுப்பதற்கும், நிதி அபாயங்களைக் குறைப்பதற்கும், வாடிக்கையாளர்கள் தங்கள் வங்கிகளுடன் சுமுக உறவைப் பேணுவதை ஊக்குவிப்பதற்கும் ரிசர்வ் வங்கி இந்த முடிவை எடுத்துள்ளது. மேலும் இந்த நடவடிக்கையானது உங்கள் KYC நெறிமுறைகளை வலுப்படுத்தவும், அனைத்து வாடிக்கையாளர் தகவல்களும் புதுப்பித்ததாகவும் துல்லியமாகவும் இருப்பதை உறுதிசெய்யும் நோக்கம் கொண்டது.
வாடிக்கையாளர்களுக்கான முன்னெச்சரிக்கை நடவடிக்கைகள்
உங்கள் வங்கி கணக்கு இரண்டு ஆண்டுகளுக்கும் மேலாக செயலிழந்திருந்தால், அதை மீண்டும் செயல்படுத்த உடனடியாக நடவடிக்கை எடுப்பது மிகவும் முக்கியம். KYC (உங்கள் வாடிக்கையாளரை அறிந்து கொள்ளுங்கள்) செயல்முறையை ஏற்கனவே முடிக்கவில்லை என்றால் முதல் படியாக அதனை முடிக்க வேண்டும்.
நீங்கள் உங்கள் வங்கிக்குச் செல்ல வேண்டும் அல்லது ஆன்லைனில் உங்கள் விவரங்களைப் புதுப்பிக்க வேண்டும். உங்கள் கணக்கு செயலற்றதாக மாறுவதை தவிர்க்க, உங்கள் KYC விவரங்கள் தொடர்ந்து புதுப்பிக்கப்படுவதை உறுதிசெய்யவும். வங்கியில் உங்கள் அடையாளம் மற்றும் முகவரி சான்றுகளை கொடுக்க வேண்டும்.
வங்கிகள் பெரும்பாலும் ஒரு கணக்கில் குறைந்தபட்ச பேலன்ஸை வைத்திருக்க வேண்டும் என்று நிபந்தனை விதித்துள்ளன. உங்கள் வங்கியின் குறிப்பிட்ட வழிகாட்டுதல்களைச் சரிபார்த்து, உங்கள் கணக்கு செயலற்றதாக கருதப்படுவதைத் தடுக்க தேவையான பேலன்ஸை பராமரிப்பது மிகவும் முக்கியம். மேலும், டிஜிட்டல் பேங்கிங் முறைகளுக்கு முன்னுரிமை அளிப்பது சிரமமின்றி வங்கிக்கணக்கை பராமரிக்க முடியும்.
Read More : ரூ.10 லட்சம் வரையிலான சம்பளத்திற்கு வரி இல்லையா..? வருமான வரி செலுத்துவோருக்கு விரைவில் குட்நியூஸ்..!
