பழைய ஓய்வூதிய திட்டத்தை மீண்டும் செயல்படுத்துவது குறித்து நாட்டில் பல விவாதங்கள் நடைபெற்று வருகிறது. இதற்கிடையே, சில ஊழியர்களுக்கு மத்திய அரசு பெரும் நிவாரணம் வழங்கியுள்ளது. அதாவது, அரசுப் பணிகளில் உள்ள சில சிறப்பு பணியாளர்களுக்கு பழைய ஓய்வூதிய முறையை மீண்டும் நடைமுறைபடுத்த அரசு முடிவு செய்துள்ளதாக கூறப்படுகிறது. இதுகுறித்து டெல்லி உயர்நீதிமன்றம் அதிரடியான தீர்ப்பை வழங்கி உள்ளது.
மத்திய துணை ராணுவப் படைகள் (CAPF) பழைய ஓய்வூதியத் திட்டத்தின் பலனை பெறுவார்கள் என உயர்நீதிமன்றம் தெரிவித்துள்ளது. இது ஆயுதப்படை என்பதால் இவர்களுக்கு பழைய ஓய்வூதிய திட்டத்தின் பலன் கிடைக்கும் எனவும் உயர்நீதிமன்றம் தெரிவித்துள்ளது. அவர்கள் இத்திட்டத்திற்கு தகுதியானவர்கள் என நீதிமன்றம் தெரிவித்துள்ளது. நீதிமன்றத்தின் இந்த தீர்ப்பால் ஆயிரக்கணக்கான முன்னாள் ராணுவத்தினர் பெரும் நிவாரணம் பெறுவர் என எதிர்பார்க்கப்படுகிறது.
