துணிவு படத்திற்கு பிறகு நடிகர் அஜித்தின் அடுத்த படத்தை விக்னேஷ் சிவன் இயக்க உள்ளதாக கடந்த ஆண்டு அறிவிக்கப்பட்டது.. தற்காலிகமாக AK 62 என்று பெயரிடப்பட்டுள்ள இப்படத்தை லைகா நிறுவனம் தயாரிக்க உள்ளதாக கூறப்பட்டது. ஆனால் விக்னேஷ் சிவன் கொடுத்த கதையில் அஜித் திருப்தி அடையவில்லை என்பதால், அப்படத்தில் இருந்து விக்னேஷ் சிவன் விலகியதாக கூறப்படுகிறது.. மறுபுறம் நடிகர் விஜய் லோகேஷ் கனகராஜுடன் கைகோர்த்துள்ள, லியோ படம் மிகப்பெரிய எதிர்பார்ப்பை ஏற்படுத்தி உள்ளது.. எனவே அதற்கு இணையான எதிர்பார்ப்பை உருவாக்க மிகப்பெரிய மாஸ் ஆக்ஷன் படத்தில் நடிக்க அஜித் முடிவு செய்துள்ளாராம்..
இதைத்தொடர்ந்து மகிழ் திருமேனி AK 62 படத்தை இயக்க உள்ளதாக கூறப்படுகிறது.. எனினும் இதுகுறித்து லைகா நிறுவனம் எந்த அறிவிப்பையும் அதிகாரப்பூர்வமாக வெளியிடவில்லை.. இந்த படம் துணிவை விட மிகப்பெரிய ஆக்ஷன் படமாக இருக்க வேண்டும் என்று அஜித், மகிழ் திருமேனியிடம் கூறி உள்ளாராம்.. எனவே மகிழ் திருமேனி மீண்டும் கதையில் ஒரு சில மாற்றங்களை செய்து வருகிறாராம்.. எனவே AK 62 படத்தின் அறிவிப்புக்காக அவரின் ரசிகர்கள் ஆவலுடன் காத்திருக்கிறார்கள்..
இந்த நிலையில் இயக்குனர் விக்னேஷ் சிவன், AK 62 படம் குறித்து பேசி உள்ளார்.. இதுகுறித்து பேசிய அவர் “ “ஏகே62 எனக்கு ஏமாற்றம். அஜித் குமார் தரப்பில் எந்த தவறும் இல்லை. தயாரிப்பு தரப்புக்கு கதையின் 2-ம் பாதியில் திருப்தி இல்லை. மகிழ் திருமேனி போன்ற ஒருவருக்கு வாய்ப்பு கிடைத்ததில் மகிழ்ச்சி,” என்று தெரிவித்தார்..
