விஜய் டிவியில் ஒளிபரப்பாகி வரும் பிக்பாஸ் தொடர் 70 நாட்களை கடந்து மிகவும் பரபரப்பாக சென்று கொண்டிருக்கிறது. இந்நிலையில் பிக்பாஸ் 7-வது சீசன் அதாவது வார இறுதியில் தான் எலிமினேஷன் நடைபெறுவது வழக்கம். மிக்ஜாம் புயல் காரணமாக எலிமினேஷன் நடைபெறாத நிலையில் நேற்று வாரத்தின் நடுவே எலிமினேஷன் நடத்தப்பட்டது. அந்த வகையில், இந்த வார நாமினேஷன் லிஸ்ட்டில் அர்ச்சனா, தினேஷ், கூல் சுரேஷ், விஷ்ணு, அனன்யா ராவ், நிக்சன் ஆகியோர் இருந்தனர்.
இதிலிருந்து யார் வெளியே செல்வார்கள் என்பது புரியாத புதிராக இருந்து வந்த நிலையில், வாக்கெடுப்பில் கடைசி இடத்தில் உள்ள அனன்யா ராவ் இந்த Mid Week Eviction மூலம் எலிமினேட் செய்யப்பட்டுள்ளார். பிக்பாஸ் தொடங்கிய முதல் வாரத்திலேயே எலிமினேட் செய்யப்பட்டவர் அனன்யா ராவ், தற்போது மீண்டும் உள்ளே வந்தும் இப்போது இவர் எலிமினேட் செய்யப்பட்டுள்ளார்.
