பொதுவாக நம்மில் பலருக்கும் பப்பாளி மிகவும் பிடித்த ஒன்றாக திகழ்கிறது. மேலும், இதில் ஏராளமான நன்மைகள் இருப்பது அனைவரும் அறிந்ததே. பப்பாளியில் நார்ச்சத்து, விட்டமின்கள் போன்ற சத்துக்கள் நிறைந்துள்ளது. இந்த பப்பாளி செரிமான கோளாறு, உடல் பருமன், சர்க்கரை நோய், புற்றுநோய் போன்ற பிரச்சனைகளுக்கு அருமருந்து என்றும் சொல்லப்படுகிறது. நரம்பு தளர்ச்சி பிரச்சனைகளுக்கு தீர்வு கிடைக்கும் என்றால் இந்த பப்பாளி ஜூஸ்-ஐ தினமும் குடித்து வர வேண்டும் என கூறப்படுகிறது.
மேலும், பப்பாளி பழத்தை தேனில் கலந்து சாப்பிட்டு வந்தால் தேனில் இருக்கக்கூடிய ஊட்டச்சத்துக்கள் நல்ல பலனை விரைவில் கொடுக்கும். உடல் எடையை குறைக்கும் முயற்சியில் இருப்பவர்கள் இந்த பப்பாளி ஜூசை தினமும் அருந்தி வந்தால் நல்ல பலன்கள் கிடைக்கும் என்று கூறப்படுகிறது. பப்பாளியில் உள்ள ஆரோக்கியமான கொழுப்பு அமிலங்கள் மற்றும் பொட்டாசியம் நம்முடைய உடலில் வளர் சிதை மாற்றங்களை அதிகரித்து உடல் எடையை குறைக்க உதவி செய்கின்றன.
இந்த பப்பாளி ஜூஸை குடிப்பதன் மூலம் முகத்தில் இருக்கக்கூடிய சுருக்கங்கள் மறைந்து முகம் புத்துணர்ச்சியுடன் இருக்கும். பப்பாளியில் உள்ள கேரட்டினாய்ட் மிகவும் சக்தி வாய்ந்த பொருட்கள். எனவே, இவை கண்கள் மற்றும் சருமத்திற்கு நன்மையை பயக்கும் என சொல்லப்படுகிறது. இருப்பினும் இதில் சில பக்க விளைவுகளை ஏற்படுத்தும் என்பதால் மருத்துவரை அணுகி அதற்கு பின்னர் இதை எடுத்துக் கொள்வது சிறந்த பலன்களைத் தரும் என்பதும் குறிப்பிடத்தக்கது.
