கூட்டுறவு வங்கிகள் கிராமப்புற மற்றும் நகர்ப்புற பகுதிகளில் வங்கி சேவைகளை வழங்குகிறார்கள். கடுமையான கட்டுப்பாடுகள், மோசமான பொருளாதார நிலைமைகள் மற்றும் உள்ளூர் அரசியல் காரணமாக இந்த கூட்டுறவு வங்கிகளுக்கு அழுத்தம் கொடுக்கப்படுகிறது. மிகப்பெரிய வங்கியான இந்திய ரிசர்வ் வங்கியும் கூட்டுறவு வங்கிகளை தொடர்ந்து கண்காணித்து வருகிறது. 2023 நிதியாண்டில் சுமார் 8 கூட்டுறவு வங்கிகளின் உரிமத்தை ரிசர்வ் வங்கி ரத்து செய்துள்ளது. அதனால் கூட்டுறவு வங்கிகளில் பணம் வைத்திருப்பவர்கள் எல்லாம் விழிப்புடன் இருக்க வேண்டியது அவசியம்.
ரிசர்வ் வங்கியால் உரிமம் ரத்து செய்யப்பட்ட வங்கிகளில் சேவா விகாஸ் கூட்டுறவு வங்கி, டெக்கான் நகர கூட்டுறவு வங்கி, மிலாட் கூட்டுறவு வங்கி, முதோல் கூட்டுறவு வங்கி, ஸ்ரீ ஆனந்த் கூட்டுறவு வங்கி, பாபாஜி தேதி மகிளா அர்பன் வங்கி, லட்சுமி கூட்டுறவு வங்கி ஆகியவையும் உள்ளன. எனவே வங்கி வாடிக்கையாளர்களுக்கு இவற்றில் வங்கிக் கணக்கு உள்ளதா? என்பதைச் சரிபார்க்க வேண்டும். போதிய மூலதனம் மற்றும் பிற விதிமுறைகளை மீறியதால் இந்த கூட்டுறவு வங்கிகளின் உரிமத்தை ரிசர்வ் வங்கி ரத்து செய்துள்ளது.
ரிசர்வ் வங்கி இந்த மேற்குறிப்பிட்ட வங்கிகளில் பணப்புழக்கம் இல்லாததாலும் உரிமத்தை ரத்து செய்துள்ளது. மேலும், சில கூட்டுறவு வங்கிகளுக்கு ரிசர்வ் வங்கி கடுமையான கட்டுப்பாடுகளை விதித்துள்ளது. எனவே, கூட்டுறவு வங்கிகளில் பணம் வைத்திருப்பவர்கள் கவனமாக இருக்க வேண்டும். இல்லையெனில் சிரமங்களை சந்திக்க வேண்டி வரும். வங்கி திவாலாகினாலோ அல்லது ரிசர்வ் வங்கி, வங்கி உரிமத்தை ரத்து செய்தாலோ, வாடிக்கையாளர்கள் பாதிக்கப்படுவார்கள். ரூ. 5 லட்சம் வரையிலான டெபாசிட்களுக்கு எந்த பிரச்சனையும் இல்லை என்பது குறிப்பிடத்தக்கது.
