தேனி மாவட்டம் போடி அருகே உள்ளது கிருஷ்ணா நகர் என்ற பகுதி. இங்கு தனியார் வங்கி ஒன்று செயல்பட்டு வருகிறது.. இந்த வங்கியின் வாசலிலேயே ஏடிஎம் இயந்திரமும் இருக்கிறது. அதில் பணத்தைச் செலுத்தவும், பணம் எடுக்கவும் தனித்தனியே இயந்திரங்கள் வைக்கப்பட்டுள்ளன. சம்பவத்தன்று மாலை, வங்கித்தரப்பினர் ஏடிஎம் மிஷினில் இருந்து பணத்தை எடுக்க வந்துள்ளனர்.. அப்போதுதான், 500 ரூபாய் தாள்களில் 8 கள்ளநோட்டுகள் இயந்திரத்தில் வைக்கப்பட்டிருந்ததை பார்த்து அதிர்ந்து போனார்கள்.. அதில் 4000 ரூபாய் கள்ள நோட்டு இருப்பதும் கண்டுபிடிக்கப்பட்டது…
இதையடுத்து, சம்பந்தப்பட்ட தனியார் வங்கியின் நோடல் அலுவலர், உடனடியாக இதுகுறித்து போடி தாலுகா போலீசுக்கு புகார் தந்தார்.. போலீசாரும் விரைந்து வந்து, சம்பந்தப்பட்ட வங்கியின் சிசிடிவி கேமரா காட்சிகளை ஆய்வு செய்து பார்த்தனர்.. அதில், வங்கியில் கள்ளநோட்டுகளை ஏடிஎம் வழியே டெபாசிட் செய்தது, கோகுல் என்பவர் என்பது தெரியவந்தது.. இவர், தேவாரம் மெயின் ரோட்டில், டைல்ஸ் கடை வைத்து நடத்தி வருகிறார் என்று போலீஸ் விசாரணையில் தெரியவந்துள்ளது.
இதனைத் தொடர்ந்து கோகுல் மீது போலீசார் வழக்குப் பதிவு செய்து விசாரணையை துவங்கி உள்ளனர்.. கோகுலுக்கு எப்படி கள்ள நோட்டுகள் கிடைத்தன? கள்ளநோட்டு கும்பலோடு அவருக்கு நேரடி தொடர்பு உள்ளதா? அல்லது அவருக்கே தெரியாமல் தான் டெபாசிட் செய்தாரா? என்பது குறித்தெல்லாம் விசாரணை நடைபெற்று வருகிறது. இச்சம்பவம் அங்கு பெரும் பரபரப்பை ஏற்படுத்தியுள்ளது.
