பல நன்மைகளைக் கொண்டுள்ள பெருங்காயத்தை வெந்நீரில் கலந்து குடித்து வந்தால் பெண்களுக்கு மாதவிடாயின் போது ஏற்படும் வலிகள் நீங்கும்.
நமது சமையலறையில் மசாலாப் பொருட்களில் முக்கிய பங்கு வகிப்பது பெருங்காயம் தான். ஏனென்றால், பெருங்காயத்தின் நறுமணம், அந்த உணவிற்கு ஒரு தனித்துவமான சுவையை அளிக்கிறது என்பது அனைவரும் அறிந்ததே. சுவையும் மணமும் மட்டுமல்ல, நமது உடல் ஆரோக்கியத்தையும் மேம்படுத்த உதவும். மருத்துவ குணங்கள் நிறைந்த பெருங்காய நீர், நிறைய நன்மைகளை கொடுக்கிறது. இதில் கார்போஹைட்ரேட் நார்ச்சத்துக்கள் ஏராளமாக காணப்படுவதால், பல நோய்களில் இருந்து நம்மை காக்க பெரிதும் உதவியாக உள்ளது. அதன்படி, இந்த பெருங்காய நீரை குடிப்பதால் என்னென்ன நன்மைகள் ஏற்படுகின்றன என்பது குறித்து இதில் பார்க்கலாம்.
பெருங்காயம் நீரை வெதுவெதுப்பான நீரில் கலந்து குடித்தால், அஜீரணம் போன்ற செரிமான பிரச்சனைகளை சரி செய்து, செரிமான அமைப்பை ஒழுங்குபடுத்தப் பெருங்காயத்தூள் உதவுகிறது. மேலும் இது வயிற்றின் பி.ஹெச் நிலையை சரி செய்ய உதவுகிறது. இதன் பயன்பாடு வாயு, மலச்சிக்கல், அமிலத்தன்மை, அஜீரணம் போன்ற பிரச்சனைகளை நீக்குகிறது.பெருங்காய தண்ணீர் இரத்த சர்க்கரையை கட்டுப்படுத்துகிறது. இது இரத்தச் சர்க்கரைக் குறைவு விளைவைக் கொண்டுள்ளது, இது இரத்த சர்க்கரையை குறைக்கும். உடல் எடையைக் குறைப்பதற்கு பயன்படுத்தப் படுகிறது. பெருங்காயம் உடல் பருமனைத் தடுக்கும் மற்றும் கொழுப்பைக் குறைக்கும் விளைவைக் கொண்டுள்ளது. மாதவிடாய் வலி அதிகமாக இருந்தால், பெருங்காய தண்ணீர் குடித்தால், பெரிய அளவில் நிவாரணம் கிடைக்கும். டிஸ்மெனோரியாவில் அதாவது மாதவிடாயின் போது ஏற்படும் வலியில் பெருங்காயம் பயனுள்ளதாக இருக்கும்.
