டிஎன்பிஎஸ்சி குரூப் 1 தேர்வுக்கு விண்ணப்பிக்க இன்றே கடைசி நாள் என தெரிவிக்கப்பட்டுள்ளது.
இதுகுறித்து தேர்வு துறை வெளியிட்டுள்ள அறிவிப்பில்; தமிழ்நாடு அரசின் பணிகளில் 18 துணை ஆட்சியர், 26 துணை காவல் கண்காணிப்பாளர், 25 வணிகவரித்துறை உதவி ஆணையர், 13 கூட்டுறவு சங்கங்களின் துணைப் பதிவாளர் உள்ளிட்ட 92 காலி பணியிடங்களை நிரப்புவதற்கான குரூப் 1 தேர்வு அக்டோபர் மாதம் நடைபெறவுள்ளது. முதல் நிலை தேர்வு அக்டோபர் 30-ம் தேதி நடைபெறவுள்ளது. முதல் நிலை தேர்வு முடிவுகள் அறிவிக்கப்பட்ட பின்னர், முதன்மை எழுத்து தேர்வு நடைபெறும் தேதி அறிவிக்கப்படும் என டிஎன்பிஎஸ்சி அறிவித்துள்ளது.
குரூப் 1 தேர்வுக்கான ஆன்லைன் விண்ணப்பப்பதிவு கடந்த ஜூலை 21-ம் தேதி தொடங்கியது. www.tnpsc.gov.in /www.tnpscexams.in என்ற இணையதளம் மூலம் விண்ணப்பங்கள் பதிவு செய்யப்படுகின்றன. இந்த நிலையில், குரூப் 1 தேர்வுக்கான ஆன்லைன் விண்ணப்பப்பதிவு நாளையுடன் நிறைவடைகிறது. இன்று இரவு 11.59 மணி வரையில் விண்ணப்பிக்கலாம். மேலும் விண்ணப்பங்களை சமர்ப்பித்த பின்னர் தவறு இருந்தால், அதனை வரும் 27-ம் தேதி முதல் 29-ம் தேதி வரை திருத்தம் செய்து கொள்ளலாம் என தெரிவிக்கப்பட்டுள்ளது.
