ஆதிதிராவிடர் மற்றும் பழங்குடியின மாணாக்கர்களுக்கான போஸ்ட் மெட்ரிக் கல்வி உதவித்தொகை விண்ணப்பிக்க கால அவகாசம் இன்றுடன் முடிவடைகிறது
இது குறித்து
தமிழக அரசு தனது செய்தி குறிப்பில்; 2022-2023- ம் கல்வியாண்டில் ஆதிதிராவிடர் மற்றும் பழங்குடியினர் நலத்துறையின் கீழ் செயல்படுத்தப்படும் மத்திய அரசு நிதி ஆதரவிலான போஸ்ட் மெட்ரிக் கல்வி உதவித்தொகை திட்டம் மற்றும் மாநில அரசு சிறப்பு போஸ்ட் மெட்ரிக் கல்வி உதவித்தொகை திட்டங்களின் கீழ் விண்ணப்பிப்பதற்கு ஏதுவாக கல்லூரிகளுக்கான https://tnadtwscholarship.tn.gov.in/ என்ற இணையதளம் மூலம் 30.01.2023 அன்று முதல் திறக்கப்பட்டு 31.05.2023 அன்று வரை கல்வி உதவித்தொகை விண்ணப்பிக்க கால அவகாசம் வழங்கப்பட்டது.
சில மாணாக்கர்கள் கல்வி உதவித்தொகை விண்ணப்பிக்காமல் விடுப்பட்டுள்ளதால் மாணாக்கர்களின் கல்வி நலன் கருதி 30.06.2023 அன்று வரை கால நீட்டிப்பு வழங்கப்பட்டது. அதற்கான அவகாசம் இன்றுடன் முடிவடைய உள்ள நிலையில் விண்ணப்பிக்காத நபர்கள் உடனடியாக விண்ணப்பிக்க வேண்டும் என தமிழக அரசு தெரிவித்துள்ளது.
