உலகளாவிய அளவில் மிகவும் பிரபலமான கூகுள் குரோம், தற்போது பெரும் சவாலுக்கு உள்ளாகியுள்ளது. அமெரிக்க நீதித்துறை, கூகுள் நிறுவனம் தனது தேடல் சந்தையில் ஏகபோகத்தை நிலைநிறுத்த குரோம் பிரவுசரை தவறாக பயன்படுத்துவதாக குற்றம்சாட்டியுள்ளது. இந்த குற்றச்சாட்டு, கூகுள் குரோமை விற்பனை செய்ய வேண்டிய நிலைக்கு தள்ளப்பட்டுள்ளது.
கூகுள் குரோம், உலகின் பெரும்பாலான இணைய பயனர்களால் பயன்படுத்தப்படும் முதன்மையாக மாறியுள்ளது. இதன் மூலம் கூகுள், இணைய தேடல் மற்றும் விளம்பர சந்தையில் ஏகபோக ஆதிக்கத்தைப் பெற்றுள்ளது. கூகுளின் ஆதிக்கம், மற்ற இணைய உலாவிகள் மற்றும் தேடல் இயந்திரங்கள் வளர்ச்சிக்கு பெரும் தடையாக உள்ளதாக கூறப்படுகிறது.
கூகுள், பயனர்களின் தனிப்பட்ட தகவல்களை சேகரித்து, அதை விளம்பரங்களுக்காக பயன்படுத்துகிறது. இது, தனிப்பட்ட தகவல் பாதுகாப்பு குறித்த கவலைகளை எழுப்பியுள்ளது. கூகுள் குரோம் விற்பனை செய்யப்பட்டால், பயனர்கள் செயலியை மாற்ற வேண்டிய நிலை ஏற்படும். மேலும், புதிய செயலிக்கு மாறும் போது, பயனர்கள் தங்களின் பழக்க வழக்கங்களை மாற்றி கொள்ள வேண்டியிருக்கும்.
கூகுள் குரோம் விற்பனை, தொழில்நுட்ப உலகில் பெரும் மாற்றத்தை ஏற்படுத்தும் என்று கூறப்படுகிறது. இது, இணைய தேடல் மற்றும் விளம்பர சந்தைகளில் புதிய போட்டியாளர்களுக்கு வாய்ப்பை ஏற்படுத்தவும் உள்ளது. கூகுள் குரோம் விற்பனை, பயனர்களின் தனிப்பட்ட தகவல் பாதுகாப்பு குறித்த விழிப்புணர்வை அதிகரிக்கச் செய்யும். இதன் மூலம், இணைய நிறுவனங்கள் தங்களின் தகவல் பாதுகாப்பு நடவடிக்கைகளை மேம்படுத்த தூண்டப்படும்.
