2019-21 ஆம் ஆண்டில் கொரோனா வைரஸால் பாதிக்கப்பட்டு இறந்த 45 கர்ப்பிணி பெண்களில் 27 பேர் தடுப்பூசி போடப்படவில்லை என்று ஆய்வில் தெரியவந்துள்ளது. ஆக்ஸ்போர்டு பல்கலைக்கழகத்தின் MBRRACE குழுவின் ஆராய்ச்சியாளர்களின் அறிக்கையின்படி, கொரோனா தடுப்பூசி போடாத கர்ப்பிணி பெண்களே, காய்ச்சலால் பாதிக்கப்பட்டு அதிகளவில் உயிரிழந்தனர் என்று குறிப்பிடப்பட்டுள்ளது. மேலும் சில பெண்கள் தடுப்பூசி போட்டுக்கொள்ளாததற்கு தடுப்பூசியைச் சுற்றியுள்ள “குழப்பமான செய்தி” காரணமாக இருக்கலாம் என்றும் இதுகுறித்து விழிப்புணர்வு நடவடிக்கைகள் எடுக்கப்படாவிட்டால் மேலும் உயிரிழப்புகள் ஏற்பட வாய்ப்புள்ளது என்றும் ஆராய்ச்சியாளர்கள் தெரிவித்தனர்.
புள்ளிவிவரங்களின்படி, 2020 மற்றும் 2021 ஆம் ஆண்டுகளில் கொரோனா பாதிப்பால் இறந்த பெரும்பாலான பெண்களில்ம, ஆசிய பெண்களிடையே இறப்பு விகிதங்கள் அதிகமாக இருந்தது. கொரோனா தடுப்பூசி முதன்முதலில் டிசம்பர் 2020 இல் வெளியிடப்பட்டாலும், கர்ப்பிணிப் பெண்களுக்கு டோஸ் எடுப்பதற்கு எதிராக முதலில் ஆலோசனை வழங்கப்பட்டது குறிப்பிடப்பட்டது. மேலும், மே 2020 முதல் ஜூலை 2021 வரை கொரோனாவால் பாதிக்கப்பட்டு மருத்துவமனையில் அனுமதிக்கப்பட்ட தடுப்பூசி போடப்படாத தாய்மார்களுக்கு 600 குழந்தைகள் குறை பிரசவத்தில் பிறந்ததாக நவம்பர் 2021 இல் இன்டிபென்டன்ட் தெரிவித்திருந்தது.
முன்னதாக இந்த ஆண்டின் தொடக்கத்தில், தி இன்டிபென்டன்ட் ராயல் காலேஜ் ஆஃப் பீடியாட்ரிக்ஸ் அண்ட் சைல்ட் ஹெல்த், சுவாச ஒத்திசைவு வைரஸ் (RSV) தடுப்பூசி குறித்த எச்சரிக்கையை வெளியிட்டது. அதாவது, கர்ப்பிணிப் பெண்களுக்கு பெர்டுசிஸ், இன்ஃப்ளூயன்ஸா மற்றும் SARS-CoV-2 ஆகியவற்றுக்கு மூன்று தடுப்பூசிகள் உள்ளன, மேலும் RSV க்கு இன்னும் பல தடுப்பூசிகள் கிடைக்க வாய்ப்புள்ளது, ஆனால் ஆராய்ச்சியாளர்கள் செய்தி இன்னும் கிடைக்கவில்லை.
“பரிந்துரைக்கப்பட்ட தடுப்பூசிகள் கர்ப்ப காலத்தில் பாதுகாப்பானது என்று தெரிவிக்கப்பட்டுள்ளது. எனவே தடுப்பூசி போட்டுக்கொள்ளவேண்டும் என்று வலியுறுத்தப்பட்டுள்ளது. இதனால், தாய் மற்றும் பிறந்த குழந்தைகளின் நோய்களைத் தடுப்பதில் தடுப்பூசி முக்கிய பங்கு வகிக்கிறது குறிப்பிடத்தக்கது.
