தனது மனைவி கள்ளக்காதலனுடன் ஓடி விட்டதால் கடுப்பில் இருந்த கணவர் ரயில் நிலையத்திற்கு வெடிகுண்டு மிரட்டல் விடுத்துள்ளார். இந்த மிரட்டலை அடுத்து பதறி அடித்துக் கொண்டு போலீசார், வெடிகுண்டு நிபுணர்கள் ரயில்வே நிலையத்தை அதிரடியாக சோதனை செய்ய, கடைசியில் அந்த வாலிபரை பிடித்த போது தான் உண்மை தெரியவந்து அதிர்ந்து போயிருக்கிறார்கள்.
பீகார் மாநிலம் பாட்னா ரயில் நிலையத்தை வெடிகுண்டு வைத்து தகர்க்கப் போவதாக கட்டுப்பாட்டு அறைக்கு தொலைபேசி மூலம் மிரட்டல் வந்திருக்கிறது. போலீசார் வெடிகுண்டு மிரட்டலை அடுத்து பாட்னா ரயில்வே நிலையத்தில் அனைத்து நடைமேடைகளையும் சோதனை நடத்தினர். ரயில்வே போலீஸ் படை , அரசு ரயில்வே போலீசார் இணைந்து தீவிர தேர்தலில் வேட்டை ஈடுபட்டுள்ளனர். ரயில்வே நடைமேடைகள் மட்டுமல்லாது அங்கு இருக்கும் கழிவறை, சுமைகளை வைக்கும் அறை, குளியலறை, காத்திருப்பு அறை, வாகனங்கள் நிறுத்துமிடம் என அனைத்து இடங்களிலும் அதிரடியாக சோதனை நடத்தினர்.
ஆனால், எங்கு தேடியும் வெடிகுண்டு கண்டுபிடிக்கப்பட்டவில்லை . அப்போதுதான் அந்த மிரட்டல் வெறும் புரளி என்பது தெரியவந்திருக்கிறது. இதையடுத்து, மிரட்டல் விடுத்த அந்த நபர் குறித்த விசாரணையில், அந்த வாலிபர் ராஜேஷ்குமார் ரஞ்சன் என்பது தெரியவந்திருக்கிறது. அவரை பிடித்து போலீசார் விசாரணை நடத்திய போது, தன் மனைவி கள்ளக்காதலனுடன் ஓடிவிட்டார். இதனால் தனிமையில் இருந்த போது கடுப்பில் இதை செய்ததாக கூறியிருக்கிறார். இதை கேட்டு அதிர்ந்து போன போலீசார், அந்த வாலிபரை கைது செய்து அவரிடம் மேற்கொண்டு விசாரணை மேற்கொண்டு வருகின்றனர். இச்சம்பவத்தால் அங்கு பெரும் பரபரப்பு ஏற்பட்டது.
