தேநீரில் உப்பு சேர்ப்பதால் கிடைக்கும் நன்மைகள் குறித்து இந்த பதிவில் பார்க்கலாம்.
உடல் எடையை குறைக்க பரவலாக பயன்படுத்தப்படும் கிரீன் டீயுடன் கருப்பு உப்பைக் கலந்து குடியுங்கள். இதன் மூலம், உங்களுடைய செரிமான பண்புகளை அதிகரிக்கலாம். எடை குறைப்பு திட்டத்தை கடைபிடிப்பவர்களுக்கு உப்பு சேர்த்து குடிக்கும் கிரீன் டீ அஜீரணம், அமிலத்தன்மை ஆகிய பல வயிற்றுப் பிரச்சனைகளை குறைக்கும். எலுமிச்சை கலந்த தேநீரில் கருப்பு உப்பு சேர்ப்பதால் பல நன்மைகள் கிடைக்கின்றன. நீங்கள் லெமன் டீயில் கருப்பு உப்பு கலந்து குடித்து வந்தால் மலச்சிக்கல் பிரச்சனை நீங்கும். வயிற்றின் வளர்சிதை மாற்ற விகிதத்தை அதிகரிக்கும். குடல் இயக்கத்தின் வேகம் துரிதப்படுத்துகிறது.
இதன் மூலம், எதைச் சாப்பிட்டாலும் வேகமாக ஜீரணிக்க செய்யும் ஆற்றல் குடலுக்கு கிடைக்கும். இதனால் வயிறு சுத்தமாகிறது. உடலில் உள்ள நச்சுக்கள் நீங்கும். பால் சேர்க்காத பிளாக் டீயில் கருப்பு உப்பு கலந்து குடித்தால் ஆரோக்கியத்திற்கு உதவும். முக்கியமாக இது எடை இழப்பை துரிதப்படுத்தும். கருப்பு உப்பின் சிறப்பே, வயிற்றில் செரிமான நொதிகளை ஊக்குவிப்பது தான். இதனால் உணவு வேகமாக செரிமானம் ஆகும். கெட்ட கொழுப்பு குறையும். உடல் பருமனை குறைக்க உதவுகிறது.