3 குழந்தைகளுக்கு தாயான 31 வயது பெண் பாலியல் வன்கொடுமைக்கு ஆளாக்கப்பட்டு, உயிருடன் தீ வைத்து எரிக்கப்படுவதற்கு முன்பு, கொடூரமாக துன்புறுத்தப்பட்டிருப்பதாக உடற்கூராய்வு அறிக்கை தெரிவித்துள்ளது.
மணிப்பூர் மாநிலம் ஜிரிபம் பகுதியில் நவம்பர் 7ஆம் தேதி சமூக விரோதிகள் சிலர், ஒரு வீட்டுக்குள் நுழைந்து அங்கிருந்த பெண்ணை கடுமையாக தாக்கி பாலியல் பலாத்காரம் செய்து உடலில் தீ வைத்து எரித்துள்ளனர். மணிப்பூரில் வன்முறை நடந்து வரும் நிலையில், தீக்கிரையான பெண்ணின் உடல், அசாம் மாநிலத்தில் உள்ள சில்சார் மருத்துவக் கல்லூரியில் உடல் கூறாய்வு செய்யப்பட்டது.
பெண்ணின் உடல் முழுவதும் எரிந்து கரிக்கட்டையானதால், பாலியல் பலாத்காரம் குறித்து உறுதி செய்ய இயலாமல் போனதாகக் கூறப்படுகிறது. மணிப்பூர் பெண்ணின் உடல் 99% எரிந்துவிட்டதாகவும், அவரது எலும்புகள் கூட கரிக்கட்டையாகியிருந்ததாக உடற்கூறாய்வு தெரிவிப்பதாகத் தகவல்கள் கூறுகின்றன. பெண்ணின் உடலில் கடுமையான காயங்கள் இருந்துள்ளதும், முகத்தின் அமைப்பே சிதைந்து, கை மூட்டுகள் சிதைந்து போயிருந்ததாகவும் கூறப்பட்டுள்ளது.
மேலும், அந்த உடல் கூறாய்வு அறிக்கையில், அந்தப் பெண் கொல்லப்படுவதற்கு முன்பு, அவர் அனுபவித்த கொடூரமான துன்புறுத்தல்களையும், வலியையும் உணர்த்துவதாக உள்ளது. இதுவரை கொலையாளிகள் அடையாளம் காணப்படவில்லை. சம்பவத்தின்போது, கணவரும், அவரது பிள்ளைகளும் எங்கிருந்தார்கள் என்பது குறித்த தகவல் வெளியாகவில்லை.
Read More : சிறுமியுடன் பலமுறை பலாத்காரம்..!! தாலி கட்டி அடிக்கடி செக்ஸ் டார்ச்சர் கொடுத்த இளைஞர்..!! பகீர் சம்பவம்..!!
