திண்டுக்கல் மாவட்டம் வேடசந்தூர் அருகே இருக்கின்ற தம்மனம்பட்டி 4️ வழி சாலையில் நள்ளிரவில் பெண்ணின் உடல் மீது அடுத்தடுத்து வாகனங்கள் ஏறி சென்றதால் சிதைந்த நிலையில், அந்த உடல் கடப்பதாக ரோந்து காவல்துறையினருக்கு தகவல் கொடுக்கப்பட்டது.
இதனைத் தொடர்ந்து, நெடுஞ்சாலை ரோந்து காவல்துறையினர் வேடசந்தூர் காவல்துறையினருடன் பெண்ணின் உடல் கிடந்த பகுதிக்கு உடனடியாக சென்றனர். அந்த பெண்ணின் சேலை ஜாக்கெட் உள்ளிட்டவை மட்டுமே அடையாளமாக காணப்பட்டது. உடல் முழுவதும் இரவில் அடுத்தடுத்து வாகனங்கள் கடந்து சென்றதால் முற்றிலுமாக சிதைந்த நிலையில் இருந்தது.
அந்த பகுதிக்கு வந்த காவல்துறையினர் உயிரிழந்த பெண் யார்?, எந்த ஊரைச் சேர்ந்தவர்? அதிகாலை ஒரு மணிக்கு அந்த இடத்திற்கு எதற்காக வந்தார்?, விபத்தில் உயிரிழந்தாரா?, அல்லது யாராவது கொலை செய்து சாலையில் போட்டுவிட்டு சென்றுவிட்டார்களா? என வேடசந்தூர் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.
