ஈரோடு அடுத்துள்ள ஞானிப்பாளையம் குமாரவலசு மயிலாடி பகுதியைச் சேர்ந்தவர் யுவராஜ் (36) தொழிலாளியான இவருடைய மனைவி சங்கீதம் (33) இந்த தம்பதிகளுக்கு இரண்டு குழந்தைகள் இருக்கின்றன.
இந்த நிலையில், சங்கீதத்திற்கும், யுவராஜ்க்கும் மகனை பள்ளியில் சேர்ப்பது குறித்து கருத்து வேறுபாடு ஏற்பட்டுள்ளது. இதனால் கணவன், மனைவிக்கிடையே ஏற்பட்ட தகராறில் சங்கீதம் மன வேதனை அடைந்து சம்பவம் நடைபெற்ற அன்றைய தினம் வீட்டிற்கு அருகே உள்ள கழிப்பறைக்குள் சென்று கதவை தாழட்டு மண்ணெண்ணெய் ஊற்றி தீக்குளித்து தற்கொலை செய்ய முயற்சி செய்தார்.
இதைக்கண்ட அவரது குடும்பத்தைச் சார்ந்தவர்கள் சங்கீதத்தை மீட்டு ஈரோடு அரசு மருத்துவமனையில் சிகிச்சைக்காக சேர்த்தனர். அதன் பிறகு மேல் சிகிச்சைக்காக ஈரோட்டில் உள்ள தனியார் மருத்துவமனையில் அனுமதித்தனர். அங்கு தீவிர சிகிச்சை வழங்கப்படும் பலன் இல்லாமல் சங்கீதம் பரிதாபமாக உயிரிழந்தார்.
இந்த சம்பவம் தொடர்பாக சங்கீதத்தின் தந்தை ஈஸ்வரன் வெள்ளோடு காவல் நிலையத்தில் புகார் வழங்கினார். அந்த புகாரின் அடிப்படையில், காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.
