பிரபல உணவு டெலிவரி நிறுவனமான Zomato-வுக்கு புதிய பெயர் சூட்டப்பட்டுள்ளது. புதிதாக eternal என பெயர் சூட்டப்பட்டுள்ளது. Zomato நிறுவனத்தின் நிர்வாக குழு இதற்கான ஒப்புதலை வழங்கியுள்ளது. Zomato பங்குதாரர்களுக்கு அந்நிறுவனத்தின் தலைமைச் செயல் அதிகாரி தீபிந்தர் கோயல் எழுதியுள்ள கடிதத்தில், Zomato.com என்ற இணையதளத்தின் முகவரி eternal.com என மாற்றப்பட்டுள்ளதாக தெரிவித்துள்ளார்.
தொடக்கமும் முடிவும் இல்லாதது என பொருள்படும் eternal என்பது சக்திவாய்ந்த பெயர் என்று குறிப்பிட்டுள்ளார். மேலும், இது வெறும் பெயர் மாற்றம் அல்ல ஒரு குறிக்கோளுக்கான அறிவிப்பு என்றும் கூறியுள்ளார். Eternal நான்கு முக்கிய வணிகங்களை உள்ளடக்கியது (Zomato, Blinkit, District மற்றும் Hyperpure). அதேபோல், Zomato-வின் புதிய லோகோவும் அறிமுகப்படுத்தப்பட்டுள்ளது.
Zomato நிறுவனத்தின் இந்த திடீர் முடிவுக்கு காரணம், உணவு விநியோக பிராண்ட் மற்றும் செயலியிலிருந்து நிறுவனத்தை வேறுபடுத்திக் காட்டுவதற்காக இது செய்யப்படுவதாக விளக்கம் அளிக்கப்பட்டுள்ளது.
