ரெப்போ விகிதம் என்பது இந்திய ரிசர்வ் வங்கி (RBI) வணிக வங்கிகளுக்கு கடன் கொடுக்கும்போது நிர்ணயிக்கும் வட்டி விகிதமாகும். இது பணவீக்கத்தைக் கட்டுப்படுத்தவும், பணப்புழக்கத்தை ஒழுங்குபடுத்தவும் உதவுகிறது. ரெப்போ வட்டி விகிதம் கடந்த மாதம் 25 அடிப்படை புள்ளிகள் குறைக்கப்பட்டு 5.25% ஆக இருந்தது..
இந்த நிலையில் வங்கிகளின் குறுகிய காலக் கடனுக்கான ரெப்போ வட்டி விகிதத்தில் மாற்றமில்லை ரிசர்வ் வங்கி அறிவித்துள்ளது. அதன்படி ரெப்போ விகிதம் 5.25% ஆகவே தொடர்கிறது..
இந்திய ரிசர்வ் வங்கியின் (ஆர்பிஐ) ஆளுநர் சஞ்சய் மல்ஹோத்ரா வெள்ளிக்கிழமை அன்று, பணவியல் கொள்கைக் குழு (MPC) கொள்கை ரெப்போ விகிதத்தை 5.25 சதவீதமாக மாற்றாமல் வைத்திருக்க ஒருமனதாக முடிவு செய்துள்ளதாகவும், அதே நேரத்தில் நடுநிலையான கொள்கை நிலைப்பாட்டைத் தொடரவும் முடிவு செய்துள்ளதாகவும் அறிவித்தார்.
இந்தக் கொள்கை முடிவை அறிவித்த ரிசர்வ் வங்கி ஆளுநர், மாறிவரும் பேரியல் பொருளாதார நிலைமைகள் மற்றும் ஒட்டுமொத்த பொருளாதாரக் கண்ணோட்டம் குறித்து விரிவான மதிப்பீடு செய்த பின்னரே பணவியல் கொள்கைக் குழு இந்த முடிவை எடுத்ததாகக் கூறினார்.
மேலும் “கடந்த கொள்கைக் கூட்டத்திற்குப் பிறகு, வெளிப்புற சவால்கள் தீவிரமடைந்துள்ளன. இருப்பினும், வர்த்தக ஒப்பந்தங்கள் வெற்றிகரமாக நிறைவடைந்திருப்பது பொருளாதாரக் கண்ணோட்டத்திற்கு நல்ல சகுனமாக உள்ளது. ஒட்டுமொத்தமாக, குறுகிய கால உள்நாட்டு பணவீக்கம் மற்றும் வளர்ச்சி குறித்த கண்ணோட்டம் நேர்மறையாகவே உள்ளது” என்று தெரிவித்தார்..
கடந்த கொள்கைக் கூட்டத்திற்குப் பிறகு வெளிப்புற சவால்கள் தீவிரமடைந்துள்ளதாக ரிசர்வ் வங்கி ஆளுநர் கூறினார். அதே நேரத்தில், சமீபத்திய வர்த்தக ஒப்பந்தங்கள் வெற்றிகரமாக நிறைவடைந்திருப்பது பொருளாதாரக் கண்ணோட்டத்திற்கு நல்ல சகுனமாக உள்ளது என்பதையும் அவர் குறிப்பிட்டார். ஒட்டுமொத்தமாக, குறுகிய கால உள்நாட்டு பணவீக்கம் மற்றும் வளர்ச்சி குறித்த கண்ணோட்டம் நேர்மறையாகவே உள்ளது என்றும் அவர் கூறினார்.
ரெப்போ விகிதம் என்பது வங்கிகள் ரிசர்வ் வங்கியிடம் இருந்து குறுகிய கால கடன்களைப் பெறும்போது, ரிசர்வ் வங்கி விதிக்கும் வட்டி விகிதமாகும். இந்த விகிதம், பொருளாதாரத்தில் பணப்புழக்கத்தை கட்டுப்படுத்தவும், பணவீக்கத்தை கட்டுப்படுத்தவும் பயன்படுகிறது.
உதாரணமாக, ரிசர்வ் வங்கி ரெப்போ விகிதத்தை உயர்த்தினால், வங்கிகள் ரிசர்வ் வங்கியிடம் இருந்து கடன் வாங்குவது விலை உயர்ந்ததாக இருக்கும், இதனால் வங்கிகள் தங்கள் வாடிக்கையாளர்களுக்கு வழங்கும் கடன்களின் வட்டி விகிதத்தையும் அதிகரிக்கும். ஆனால் தற்போது ரெப்போ விகிதத்தில் மாற்றமில்லை என்பதால் வங்கிகளும் கடன் விகிதத்தை மாற்றாது. இதனால் வாடிக்கையாளர்களுக்கும் வட்டி விகிதத்திலும், கடன்களுக்கான EMIயிலும் மாற்றம் இருக்காது என்பது குறிப்பிடத்தக்கது..
Read More : பஞ்சாபில் ஆம் ஆத்மி கட்சித் தலைவர் லக்கி ஓபராய் சுட்டுக் கொலை..! காலையிலேயே பெரும் பரபரப்பு..!
