அவசரத்திற்கு உதவும் என தங்கத்தைச் சேர்த்து வைப்பது கிட்டத்தட்ட அனைத்து இந்தியக் குடும்பங்களிலும் நடக்கும் ஒன்று. தங்கத்தை வைத்து எளிதாக பணத்தை புரட்ட முடியும். வங்கிகள் இதற்கு தனிநபர் கடன் வட்டியை விட குறைந்த வட்டியில் பணம் வழங்குகின்றன. குறைந்த தங்க நகைக்கடன் வட்டி வழங்கும் 5 வங்கிகளைப் பற்றி இங்கே பார்க்கலாம்.
இந்தியன் வங்கி தங்கக் கடனுக்கு மிகக் குறைந்த வட்டியாக 7 சதவீதத்தை புளோட்டிங் ரேட்டாக வசூலிக்கிறது. அதாவது வட்டி விகிதம் மாறும் போது இதுவும் மாறும். பிராசசிங் கட்டணமாக கடனில் 0.56% விதிக்கப்படுகிறது. சென்ட்ரல் பேங்க் ஆஃப் இந்தியா 7.1% முதல் 7.2% வரை நகைக் கடனுக்கு வட்டியாக வசூலிக்கிறது. இந்த வங்கியில் நகைக் கடனுக்கு பிராசசிங் கட்டணம் கடன் தொகையில் 0.75%. யூனியன் வங்கியில் நகைக் கடனுக்கு 7.25% முதல் 7.5% வரை வட்டி வசூலிக்கிறது. இதற்கு பிராசசிங் கட்டணம் 0.75%. யூகோ வங்கி நகைக் கடனுக்கு 7.4% முதல் 7.9% வட்டி வசூலிக்கிறது. இங்கு பிராசசிங் கட்டணம் ரூ.250 முதல் அதிகபட்சம் ரூ.5,000 வரை ஆகும். ஹெச்.டி.எஃப்.சி. வங்கி நகைக் கடனுக்கு 7.6% முதல் 16.81% வரை வசூலிக்கிறது. இங்கு பிராசசிங் கட்டணம் கடன் அளவில் 1% ஆகும்.
நகைக் கடனுக்கு தேவையானவை 22 காரட் ஹால்மார்க் முத்திரையிடப்பட்ட நகைகளுக்கு அதன் மதிப்பில் 75 சதவீதம் வரை நகைக் கடன் கிடைக்கும். அல்லது ஒரு கிராமிற்கு இவ்வளவு என வங்கி நிர்ணயித்துள்ள அதிகபட்ச தொகை கடனாக கிடைக்கும். நகைக் கடன் பெற அடையாள அட்டை, முகவரிக்கான சான்று (ஆதார், ரேஷன் அட்டை, வாக்காளர் அடையாள அட்டை, ஓட்டுநர் உரிமம், பாஸ்போர்ட்) பாஸ்போர்ட் அளவு புகைப்படம், விவசாயத்திற்கான கடன் எனில் அதன் மதிப்பு ரூ.1 லட்சத்துக்கு மேல் எனில் நில ஆவணம் தேவைப்படும்
