டெல்லி செங்கோட்டை மெட்ரோ நிலையம் அருகே நேற்று மாலை நிகழ்ந்த கார் வெடிப்பு சம்பாம் நாடு முழுவதும் பெரும் அதிர்வலைகளை ஏற்படுத்தி உள்ளது.. இந்த கார் வெடிப்பில் உயிரிழந்தோர் எண்ணிக்கை 13ஆக உயர்ந்துள்ளது.. மேலும் இதில் 21 பேர் காயமடைந்தனர் என்று அதிகாரிகள் தெரிவித்தனர். இந்த சம்பவம் குறித்து அதிகாரிகள் அனைத்து கோணங்களிலும் விசாரணை நடத்தி வருகின்றனர், தேசிய தலைநகரம் முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன.
வரலாற்று சிறப்புமிக்க செங்கோட்டை அடுத்த 3 நாட்களுக்கு பார்வையாளர்களுக்கு மூடப்பட்டுள்ளது, அதே நேரத்தில் டெல்லி மெட்ரோ ரயில் கார்ப்பரேஷன் (DMRC) பாதுகாப்பு காரணங்களுக்காக வயலட் பாதையில் உள்ள லால் கிலா மெட்ரோ நிலையத்தையும் மூடியுள்ளது.
குண்டுவெடிப்பு நடந்த இடத்திற்கு அருகில் இருந்த நேரில் கண்ட சாட்சிகள், உள்ளூர் விற்பனையாளர்கள் மற்றும் குடியிருப்பாளர்கள் அந்த பயங்கரமான தருணத்தை நினைவு கூர்ந்தனர்..
சிசிடிவி கிளிப் வெடிப்பு நிகழ்ந்த தருணத்தைக் காட்டுகிறது
இந்த நிலையில் இந்த சிசிடிவி காட்சிகள் தூரத்திலிருந்து வெடிப்பு நிகழ்ந்த தருணத்தைக் காட்டுகிறது. காட்சியின் மேல் வலது மூலையில் ஒரு பிரகாசமான மஞ்சள்-ஆரஞ்சு வெடிப்பு விளக்கு காணப்படுகிறது.
குண்டுவெடிப்புக்கு சில நிமிடங்களுக்கு முன்பு செங்கோட்டை அருகே மெதுவாக நகரும் வாகனம் சிக்னலில் நின்றதாக டெல்லி காவல்துறை தெரிவித்துள்ளது… போலீஸ் கமிஷனர் சதீஷ் கோல்ச்சா கூறுகையில், “மாலை 6.52 மணியளவில், மெதுவாக நகரும் வாகனம் சிக்னலில் நின்றது. அந்த வாகனத்தில் ஒரு வெடிப்பு ஏற்பட்டது, மேலும் வெடிப்பு காரணமாக, அருகிலுள்ள வாகனங்களும் சேதமடைந்தன.” என்று தெரிவித்தார்..
ஹூண்டாய் i20 கார் ஒன்று இந்த பயங்கர வெடிப்பை ஏற்படுத்தியதாக அதிகாரிகள் தெரிவித்துள்ளனர்… நேதாஜி சுபாஷ் மார்க்கில் மெதுவாக நகரும் போது வெடிப்பதற்கு முன்பு, செங்கோட்டையை ஒட்டிய பகுதியில் கார் கிட்டத்தட்ட இரண்டு மணி நேரம் நிறுத்தி வைக்கப்பட்டிருந்ததாகவும் அதிகாரிகள் தெரிவித்துள்ளனர்.. இந்த சம்பவம் குறித்து தொடர்ந்து விசாரணை நடைபெற்று வருகிறது..
