விஜய் டிவியில் கமல்ஹாசன் தொகுத்து வழங்கும் பிக்பாஸ் நிகழ்ச்சி இதுவரை 6 சீசன்கள் முடிந்திருக்கிறது. தற்போது 7-வது சீசன் தொடங்குவதற்கான பணிகள் நடைபெற்று வருகிறது. செட் அமைக்கும் பணிகள் ஒருபக்கம் நடந்து வரும் நிலையில், மற்றொரு பக்கம் போட்டியாளர்களை தேர்வு செய்யும் பணி நடைபெற்று வருகிறது. குறிப்பாக, இந்த சீசனில் 2 பிக்பாஸ் வீடுகள் அமைக்கப்படவுள்ளதாக தகவல் வெளியாகியுள்ளது. இந்த மாதம் இந்த நிகழ்ச்சிக்கான முதல் ப்ரோமோ வெளியாகும் என்பதும் குறிப்பிடத்தக்கது.
இந்த நிலையில், கயல் சீரியலில் கயலின் தோழியாக நேர்ஸ் வேலை பார்க்கும் அன்னபூரணி, பிக்பாஸ் போட்டியாளராக பங்கேற்கவுள்ளதாக கூறப்படுகிறது. இவர் பாஸ் என்கிற பாஸ்கரன் படத்தில் பார்வையற்ற ஆசிரியையாக நடித்திருந்தார். அதனைத் தொடர்ந்து தற்போது சீரியல்களில் நடித்து வருகிறார். இந்நிலையில், அவர் தற்போது பிக்பாஸ் வீட்டிற்குள் செல்லவுள்ளதாக கூறப்படுகிறது.
